CHOO CHOO (已結業)

依間餐廳好姊妹前排食過，之後讚好不絕，所以今晚我就Book咗枱嚟食喇。雖然餐廳位於比較僻靜嘅街道，但夜晚都有好多人嚟食，要食的話記住book咗枱啊！Choo Choo嘅裝修以火車車箱內為主，有幾個投影用嘅火車車窗，播影住平時搭火車去旅行車窗見到嘅影像，感覺真係好似去梗旅行呢。今日食咗1)泰式軟殻蟹羅勒葉墨魚麵(2)牛肩胛配露筍黑松露波特菇(3)雜苺汁泰式軟殻蟹羅勒葉墨魚麵上到枱就聞到陣陣羅勒香，好吸引。軟殻蟹炸到啱啱好亦夠熱，唔會乾哂或擺到漏哂氣。墨魚意粉方面，對我嚟講辣咗少少，但就好啱Mr.J味。因為意粉有羅勒同蒜頭炒過，食落好惹味。雜苺汁好開胃，酸酸哋甜甜哋，每飲一啖都好似食梗10幾粒雜苺咁，依個我好喜歡。牛肩胛配露筍黑松露波特菇，上菜時擺到好靚，最上係牛肩胛，中間有幾條露筍隔住，最底係黑松露波特菇，而且overall就有刨碎哂嘅芝士遍佈成隻碟，芝士就一路食一路溶，好好味啊！牛肩胛煎到啱啱好五成熟，食落好嫩口，仲有好多肉汁喺裡面;黑松露波特菇有幾條露筍隔住，咁就牛肩胛唔會沾到黑枱露。波特菇好大隻，包住濃郁嘅黑松露，好夾好好味。