覓食家

營業中

休息中

雞排同雞肶都好大隻 同出面其他餐廳比 起碼大人哋兩 三倍 食落去味道都好好食 似啱啱炸出嚟 熱辣辣 脆扑扑 好能好食 份量好大 女仔應該就食唔曬 但對於胃口大嘅男仔嚟講 呢到真係好好 因為佢仲有得添飯 佢雞排太大 一碗飯就一定唔夠嚟餸飯 我叫咗添飯先夠 個蒜蓉汁普通 但雞肶唔使點汁都夠味 所以唔太影響 仲有佢哋計杯凍檸茶都大杯過人 呢間野完全係好食大份嘅小店代表 正因為咁 佢舖面其實得5 6張枱 所以容納唔到好多人 但坐都坐得舒服 唔會話太迫 總括而言就大力推薦 支持小店🙌🏿