大同韓燒 (已結業)

大角咀區一向俾人印象都係住宅區，但大隱隱於市，今日俾我啲同事搵到一間韓燒餐廳，一入到去唔會煙霧瀰漫，又唔會有好大陣味。另外，食物款式多，作為無牛不歡者，佢有汁醃牛肉、牛仔骨，仲有最欣賞係佢啲肥牛，往時好多餐廳啲肥牛都係靭到喊，又多渣，肥瘦比例不均，但佢呢間啲肥牛好易入口，夾生菜食一流。除咗野食外，呢間餐廳都帶來幾個驚喜。第一，的士回贈😂我同事不斷叫我留返張的士單，我以為可以claim返公司數，但原來搭的士去呢度有$20的士錢回贈，係旺角收工過嚟唔洗行餐懞。第二，自釀梅酒！！！平時係出面食放題，成日會飲倒啲甜到喊，而且又冇梅味嘅梅酒。但佢呢間餐廳卻有自釀梅酒，飲落去好清香，至少都叫「梅酒有梅味」，好開心🥳第三，性價比高，而家黃金時間出去食，閒閒地都二百幾蚊一個，但我七點去都只係178一個，抵到爛🤪🤪🤪最後，都想讚下啲員工，佢地好落力serve每一枱客，好主動幫客換牛油紙，又提供唔同食物配搭俾我，好開心呀！