芝味鳥 (已搬遷) 新店位置

夜晚8:00叫咗芝味鳥做晚餐，兩個人食，叫咗個輕便套餐加咗一個魷魚圈。total $168。成一粒鐘15分鐘先送到！唉~一個普通批"五十五十",一邊係燒烤一邊係櫻花，d topping ok，但個批底就差到痹！又油又淋，送到嚟嘅時候d野食又凍哂。個餐仲有三件雞，諗住係皇牌啦，點不知d雞d炸皮淋哂，仲有一大陣雪味，咁都做到皇牌，咁其他野食都鄧佢擔心！之後講下個魷魚圈，呢個比較正常，但加36蚊比d咁嘅質數就唔值，d粉多個條魷魚。 服務態度~差，落order 要repeat 幾次，態度又差喎！要沙律又無沙律，要湯又無湯，仲要話自己有option 係飲品,咁無得揀就唔叫有option 啦！跟本就係迫人要飲品，點會成間鋪所有沙律都無? 另外叫半份魷魚圈，送到嚟就全份，唯有要埋佢，唔好攪到送貨嗰個，其實唔識聽電話落order就唔好做呢個position,咁只會送客。不過d態度又差野食又差既，都唔洗指意有回頭客！