影片
更多
2019-03-18
387 瀏覽
人生為咗一件鍾意做嘅事情，可以去到幾盡？一個喺律師樓工作嘅人，讀完一啲非人類可以應付到嘅專格，宜家可能搵上高薪，舒舒服服咁安坐喺辦公室裏面工作，但係佢竟然同朋友夾份開咗我認為世界上最難做嘅事業-餐廳老闆。眾所周知，服務業嘅工作唔係容易，除咗要輪班，仲要面對客人唔同嘅說話，經濟差嘅時候餐廳生意更加係首當其衝，市民會選擇返屋企食飯，所以餐廳就會面臨一輪好安靜嘅低谷期。.呢間餐廳命名為LLB，其實係讀法律必經嘅一門學科，所以餐廳嘅裝飾都佈置到同律師樓有幾分相似。木枱嘅配搭加上天秤等等嘅擺設，感覺有幾分專業. 食物方面，我覺得有少少係由將英國嘅文化引到嚟香港。當中我最喜愛係✨scotch蘇格蘭炸蛋香港真係好少地方有得食，今次呢度食到嘅蘇格蘭炸蛋同係英國嘅相比，感覺冇咁油膩，唔會食完之後飽到食唔到其他嘢。流心蛋黃做得好出色，切開蛋黃流出嚟，配以墊下面嘅薯蓉食，別具風味。包住雞蛋外層嘅豬肉，脂肪唔會好高，整體嚟講隻蛋香而不膩，脆而不油. ✨芝士通心粉呢個菜式唔知道屬於美國定係英國， 但係相信餐廳都作出咗改良，睇落啲芝士好似好creamy，食落其實唔會好飽滯。芝士味濃厚，但係唔會好鹹；通心粉煮過之後
呢間餐廳命名為LLB，其實係讀法律必經嘅一門學科，所以餐廳嘅裝飾都佈置到同律師樓有幾分相似。木枱嘅配搭加上天秤等等嘅擺設，感覺有幾分專業
. 食物方面，我覺得有少少係由將英國嘅文化引到嚟香港。當中我最喜愛係✨scotch蘇格蘭炸蛋
Scotch egg
$78
38 瀏覽
0 讚好
0 留言
香港真係好少地方有得食，今次呢度食到嘅蘇格蘭炸蛋同係英國嘅相比，感覺冇咁油膩，唔會食完之後飽到食唔到其他嘢。流心蛋黃做得好出色，切開蛋黃流出嚟，配以墊下面嘅薯蓉食，別具風味。包住雞蛋外層嘅豬肉，脂肪唔會好高，整體嚟講隻蛋香而不膩，脆而不油.
✨芝士通心粉
呢個菜式唔知道屬於美國定係英國， 但係相信餐廳都作出咗改良，睇落啲芝士好似好creamy，食落其實唔會好飽滯。芝士味濃厚，但係唔會好鹹；通心粉煮過之後仍然彈牙，配上面嗰兩片脆麵包，唔似一般餐廳選用蒜蓉包，佢呢個麵包多咗一陣香草味，而且烘得更脆。.
✨慢煮豬肋骨
豬肋骨上枱我哋都仲好驚訝，半份嘅份量有五條咁多！而且配以幾大量嘅薯條，加埋沙律菜同埋粟米，成個感覺有少少墨西哥風情。豬肋骨肉質軟淋，切開就已經離骨，相當入味。燒烤味直沖裏面嘅肉，至於薯條，相信係用薯仔手切到每一條形狀一樣扁長，香脆內軟。.
餐廳位處荷李活道，晚上嘅時候，當古董鋪都閂咗門就會比較寧靜，但係附近嘅酒吧亦都依然有外國人喺度把酒暢談。
諗一諗，其實要做一件自己鍾意嘅事情，係要幾大嘅勇氣，加油！
張貼
