影片
更多
2018-02-20
2392 瀏覽
過去幾年間，一班親友搞啲做節飯都喺離唔開長沙灣區嘅連鎖酒家，如「百樂門」、「稻香」，一來價錢吸引，二來水準衰極都有個譜，有時仲偶有驚喜，況且我呢班表哥表姐親戚對飲食要求唔高。晌附近新落成嘅私樓，樓下商場開咗間新酒家「百匯軒」（其實開咗都有半年），今年嘅團年飯就一於晌度搞。因為酒家佔二樓全層，所以，搭扶手電梯上兩層，一上到去就喺酒家範圍，沒有特別嘅門面。講明新開，環境就自然比較新簇，個大堂認真富麗堂皇，多盞大型水晶燈吊飾份外吸晴搶眼。一如其他酒樓，年夜飯有多款全包宴供選擇，其中一張單張喺平價及中價嘅選擇，我哋就當然揀前者啦，「鴻運好事全包宴」，提早落訂價只喺$2,398，包茶芥連加一服務費，汽水或啤酒12罐，我哋一行26人，大人佔多數，每圍13人都一樣夠食。而且，今次大家都就到時間，揀食頭輪6:00pm，招呼好啲之餘，出菜又無咁亂。鴻運乳豬全體年夜飯啲菜式其實嚟嚟去去差唔多，大同小異。打頭陣喺乳豬全體，比起乳豬燒味拼盤高級少少啦，不過，小弟就鍾意後者多啲架，因為多啲嘢食揀吖嘛。而啲乳豬燒得約好，外皮脆卜卜，皮下脂方唔多。上湯焗大蝦球（伊麵底）啲大蝦夠大隻又爽口，其實好哋哋嘅大蝦球，搞乜鬼
有時仲偶有驚喜，況且我呢班表哥表姐親戚對飲食要求唔高。晌附近新落成嘅私樓，樓下商場開咗間新酒家「百匯軒」（其實開咗都有半年），今年嘅團年飯就一於晌度搞。
因為酒家佔二樓全層，所以，搭扶手電梯上兩層，一上到去就喺酒家範圍，沒有特別嘅門面。
講明新開，環境就自然比較新簇，個大堂認真富麗堂皇，多盞大型水晶燈吊飾份外吸晴搶眼。
一如其他酒樓，年夜飯有多款全包宴供選擇，其中一張單張喺平價及中價嘅選擇，我哋就當然揀前者啦，「鴻運好事全包宴」，提早落訂價只喺$2,398，包茶芥連加一服務費，汽水或啤酒12罐，我哋一行26人，大人佔多數，每圍13人都一樣夠食。而且，今次大家都就到時間，揀食頭輪6:00pm，招呼好啲之餘，出菜又無咁亂。
鴻運乳豬全體年夜飯啲菜式其實嚟嚟去去差唔多，大同小異。打頭陣喺乳豬全體，比起乳豬燒味拼盤高級少少啦，不過，小弟就鍾意後者多啲架，因為多啲嘢食揀吖嘛。而啲乳豬燒得約好，外皮脆卜卜，皮下脂方唔多。
上湯焗大蝦球（伊麵底）啲大蝦夠大隻又爽口，其實好哋哋嘅大蝦球，搞乜鬼沾粉漿油泡，問題喺做得唔算好，粉漿厚。啲伊麵以上湯煮，雖然唔喺芝士焗，但夠味又唔太腍。
翠玉美果雙蚌片菜名就改得夠晒靚，喺典型嘅乜蚌物蚌菜式。珊瑚蚌配象拔蚌，兩款蚌都炒得爽口，再加入大量翠玉瓜、蜜糖豆及腰果，翠玉瓜、蜜糖豆保持脆口，腰果又脆，簡單好食。
金絲海皇沙律卷每條沙律卷炸得金黃均勻，份入口酥脆，不過，外皮太厚，話就話「海皇」，但食嚟食去都喺啲粟米粒、西芹粒、甘筍粒，海鮮粒欠奉。
竹笙花膠燴生翅保持住「無翅之徒」個名，所以，去到燴生翅一環，相就影咗喇，食就無我份，益埋啲表姨甥。不過，大家都覺得啲翅做啲唔錯，口感啱啱好，而且，竹笙、花膠落得十足無手軟，喺啲翅就明顯少好多。
發財好市大利吉利嘅菜式又點少得吖，小弟就唔迷信嘅，最緊要做得好食。夠晒碟頭，有髮菜、生菜、蠔豉及牛脷，樣樣都所謂好意頭，而質素又真喺不俗，蠔豉肥大有蠔味，牛脷煙韌有咬口，難得擺盤無馬虎，一件蠔豉疊一件牛脷。
發財好市大利
43 瀏覽
0 讚好
0 留言
清蒸生猛海斑只喺講生猛海斑，就無講咩斑，但睇呎吋應有3斤幾重，卻喺蒸得剛好，無熟唔透嘅情況，肉質細嫩，有魚嘅鮮甜味。食魚鮮，幾時都哋食蒸嘅睇得出師傅嘅功力及魚嘅質素。
清蒸生猛海斑
32 瀏覽
0 讚好
0 留言
近尾聲，又喺啲燒雞登場，其實我都好佩服啲師傅架，斬完隻雞砌番好晒，雖然所謂工多藝熟，但自己都試過，都唔喺講咁易。隻雞食落皮脆肉滑，入口唔會太油，沾點特製醬油，更香濃惹味。
臘味糯米飯依家無乜酒樓做生炒，嘥時間吖嘛，但就算唔生炒都可以做得好食。眼前嘅糯米飯口感飯粒分明，咬落煙糯，而且，沾滿臘味嘅油香，有啲水準喎。
佳節蟠桃啲蟠桃壽包就有啲迤喇，通常做得靚仔啲似蟠桃，都會染番一抹紅色，一籠12個壽包，「整色整水」就明顯「求其」咗；再者，皮厚蓮蓉少，食咗半個先見丁點蓮蓉咋，鹹蛋黃亦唔多。
合時鮮果過年嘅，就梗喺意頭嘢，潮州柑有「黃金」滿屋之意，好唔好食都喺其次，當然，意義大過實際啦。再者，一個個柑，好過生果盤，食唔晒方便大家拎走。
今晚親友揀嘅新場，小弟對其印象幾好，招呼又算周到，下次嘅做節飯，揀番呢度我都贊成，相信後會實有期。
張貼
