Plato (已搬遷) 新店位置

約了靚女食飯，靚女遲到是常識吧，所以去了中華書局睇了一陣書，即時覺得自己好有書卷味。餐廳平日都有7-8成滿座，播著輕鬆的音樂，不過座位比較迫。我們點了個二人餐貪佢樣樣齊唔需要再諗食咩。先上來的法式龍蝦湯，有很香的烤蝦味，不過就唔見在龍蝦肉在湯內，質感都幾滑。小食點了炸魷魚圈，一隻有三隻，外層炸漿不會太厚，外脆內煙韌。其中一款主菜是黑松露帆立貝意大利飯，意大利飯有幾濃郁的忌廉味，飯有點煙韌，裏面有些蘑菇，帆立貝只有一粒，不過有點過熟，比較鞋。香煎石斑配黑松露汁，石斑外皮煎得很靚，不會煎燶，雪白的魚肉吸引，肉質嫩腍，而且無骨，配上一些連皮焗的薯角、西蘭花及沙律等，薯仔又腍又夠味。我們二人都是雪糕怪，所以甜品緊係揀左movenpick雪糕啦，出面食都幾貴下餐廳真係揼本。最後餐茶的凍mocha朱古力味香濃，而且不會太甜，整體確實不錯。