112
74
69
餐廳: 意房菜
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
等級3
44
0
後巷貼地美食店
2024-01-23 673 瀏覽
旺角身為旅遊勝地，美食潮流店舖比比皆是，但要好食又抵食可能未必間間都係，打卡滿分但食物質素參差佔大多數，所以本地朋友仔都會去食d性價比高d既餐廳，呢間意房菜絕對係其中一間店舖位於豉油街多嗰間路邊露天攤檔嘅後方，基本上冇咩遊客會行啲咁嘅兜痞地方，但識食既本地人就無呢個問題。店面主打一個陰陰暗暗既黑玻璃，店外餐板都殘殘舊舊，入到店內都勁暗加上空間狹窄，檯面黐立立既感覺還是老樣子叫了一個套餐「意式芝士海鮮飯」，外加酥皮湯，有野飲仲有布丁甜品都係7x，邊度搵？「意式芝士海鮮飯」，隔住個mon就咁睇都已經色香味俱全，配料有墨魚圈青口，蜆蟹柳棒，仲有極大量嘅芝士忌廉，個飯熱辣辣仲要勁creamy，青口同蜆都冇雪味，雖然稱唔上新鮮，但依然味道良好，肉質軟熟冇橡筋口感👍但我可以好肯定咁話俾你知最好食嗰部份一定係個飯本身，撈勻晒啲芝士，啖啖都有芝士嘅香味，即使冇餸我都可以就咁食晒成碟飯脂肪膽固醇代表，酥皮忌廉湯😂忌廉湯就當然係罐頭忌廉湯，不過重點係個酥皮，雖然等咗成三四個字先有得食，但就咁浸落去滿滿香氣四溢嘅牛油味，只係跟餐加$10就有，值！喺Menu上面可以選擇嘅飲品裏面個名最為正常青蘋果綠茶，但飲落
更多
旺角身為旅遊勝地，美食潮流店舖比比皆是，但要好食又抵食可能未必間間都係，打卡滿分但食物質素參差佔大多數，所以本地朋友仔都會去食d性價比高d既餐廳，呢間意房菜絕對係其中一間


店舖位於豉油街多嗰間路邊露天攤檔嘅後方，基本上冇咩遊客會行啲咁嘅兜痞地方，但識食既本地人就無呢個問題。
店面主打一個陰陰暗暗既黑玻璃，店外餐板都殘殘舊舊，入到店內都勁暗加上空間狹窄，檯面黐立立既感覺還是老樣子


1491 瀏覽
27 讚好
0 留言
叫了一個套餐「意式芝士海鮮飯」，外加酥皮湯，有野飲仲有布丁甜品都係7x，邊度搵？
36 瀏覽
0 讚好
0 留言
 「意式芝士海鮮飯」，隔住個mon就咁睇都已經色香味俱全，配料有墨魚圈青口，蜆蟹柳棒，仲有極大量嘅芝士忌廉，個飯熱辣辣仲要勁creamy，青口同蜆都冇雪味，雖然稱唔上新鮮，但依然味道良好，肉質軟熟冇橡筋口感👍但我可以好肯定咁話俾你知最好食嗰部份一定係個飯本身，撈勻晒啲芝士，啖啖都有芝士嘅香味，即使冇餸我都可以就咁食晒成碟飯

21 瀏覽
0 讚好
0 留言
 脂肪膽固醇代表，酥皮忌廉湯😂忌廉湯就當然係罐頭忌廉湯，不過重點係個酥皮，雖然等咗成三四個字先有得食，但就咁浸落去滿滿香氣四溢嘅牛油味，只係跟餐加$10就有，值！
31 瀏覽
0 讚好
0 留言
 喺Menu上面可以選擇嘅飲品裏面個名最為正常青蘋果綠茶，但飲落去一刻立即糖尿病三期，甜到飛天遁地

100 瀏覽
0 讚好
0 留言
 最後上嘅朱古力布甸，你問我我覺得比東海堂嘅$24.蚊1個嘅牛奶布甸好食😌甜度適中，朱古力味亦都濃。

整體而言95分嘅午餐，主要扣分點係啲嘢飲太甜，加埋間地方陰陰暗暗有少少令人覺得污糟嘅感覺，不過見到店內唯一一位店員，店面一腳踢竟然一啲甩漏都冇，語調客氣。假設同佢一樣咁忙嘅話，一般其他餐廳除咗無視你同西面之外，我諗唔到有咩反應
最令我感動嘅係，我本身諗住起身俾錢嗰陣時，佢仲提醒我話我仲有個甜品未食，服務態度非常好工作能力又高，冇得頂
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2024-01-19
用餐途徑
堂食
人均消費
$79 (下午茶)