嚐館 (已搬遷) 新店位置

友人早前食過，推介朋友聚會黎食。一行四人七半到達，九成滿。好在有訂位。蝦多士及墨魚油炸鬼：招牌菜之一，蝦多士夠脆夠鮮，食落去冇一啖油。墨魚油炸鬼，墨魚滑好爽，油炸鬼有d硬。相對之下比較喜歡蝦多士。炸豬手配秘製醬汁：豬手好脆，仲好體貼咁切哂，讚！秘製醬汁冇得頂，甜甜地，好惹味！蒜蓉粉絲蒸帶子：帶子鮮甜，蒸得唔乾，最好味係粉絲，索哂d汁加埋蒜蓉一齊食，正！豉椒炒蜆：蜆冇沙，味道ok，冇咩特別。燒雞：正確菜名唔記得，皮脆肉滑。啫啫通菜煲：味偏濃，但惹味。呢度地方唔算好大，建議先訂位。服務非常好。