梨和園韓日料理 (已結業)

今日原本諗住開開心心同朋友慶祝生日，想食韓燒，見到梨花園好似唔錯，我又有加州紅既卡可以有折，咁就決定去喇。因為未去過，所以一早就打定電話問清楚個價錢，我已經好清楚咁問今日(星期五)有冇自助餐，佢話有，問佢幾多錢，佢仲好清楚咁答我話，晚上七點至9點就98元再加一，即係108，9點後就85元包埋加一。我仲問埋生日係唔係有蛋糕送同埋我有加州紅既卡係唔係同時會有九折，佢答我好清楚話會有！咁我覺得價錢ok就去喇。仲book埋檯，寫埋要蛋糕同埋有九折卡。其實，見到咁多網友寫到佢地咁衰，我都驚驚地，但自己懶得再諗去邊度食，所以就博一鋪。點知就出事喇！去到佢同我講話有九折就冇蛋糕，我當然就第一時間話我打過黎問話會有架喎，擾攘一亂之後，佢地就埋晒我地喇。到埋單既時候，佢竟然係計我108蚊一個人(未包加一)，我同佢再理論，佢態度勁差咁同我講，話今日係星期五，係108蚊一位，計埋加一就119，而家佢收我108已經九折左埋我，我就梗係話我今朝先打過黎問，佢個同事唔係咁講架喎，佢竟然話"咁唔好意思囉"，態度超差！自己員工誤導左人，仲要比咁既態度人地睇！我都唔評論佢既食物好唔好食，就算好食都背脊骨落！我以後就算有