影片
更多
2021-07-31
196 瀏覽
尖沙咀加連威路道自從少咗遊客之後，唔少藥房同餐廳相繼捱唔住貴租倒閉，出現大量吉舖，條街都少咗人行，變到靜英英咁😶 今日經過呢度發現有一間新cafe進駐😯 好奇之下入咗去試吓！原來店主係兩位後生仔嚟👀 呢個市道下開舖都真係需要幾大勇氣🤭 趁後生搏盡經營事業好值得欣賞！👏🏻 值得支持一吓💪🏻 餐廳裝修係黑白型格風🔳 店舖面積唔算大，所以店主都無擺放太多座位，唔會坐到好逼👌🏻 ❤️ Traditional Spaghetti Carbonara $78食得出係誠意之作，好多cafe整carbonara 都落cream， 而呢間唔係！😜 烹調方法都接近正宗carbonara嘅💁🏻♀️ 面頭有唔少芝士碎，個底有蛋汁，撈勻食後蛋味好濃🥚 意粉口感煙韌，煙腩肉鹹香十足，正！😋 ❤️ Buffalo Wings $45雞翼醃得都幾入味，齋食雞翼唔蘸醬係唔算辣，唔食辣嘅人士都可以試！如果嫌辣度唔夠可以蘸醬，辣度瞬間提升🆙❤️ Soufflé Pancake w/ Gelato $78梳乎厘即叫即整，製作需時⏰ 一上枱見到伴碟個士多啤梨好靚，整到玫瑰花形狀🌹梳乎質感輕盈，偏濕潤，蛋香十足！ 不過整體我覺得可以再
今日經過呢度發現有一間新cafe進駐😯 好奇之下入咗去試吓！
原來店主係兩位後生仔嚟👀 呢個市道下開舖都真係需要幾大勇氣🤭 趁後生搏盡經營事業好值得欣賞！👏🏻 值得支持一吓💪🏻 餐廳裝修係黑白型格風🔳 店舖面積唔算大，所以店主都無擺放太多座位，唔會坐到好逼👌🏻
❤️ Traditional Spaghetti Carbonara $78
食得出係誠意之作，好多cafe整carbonara 都落cream， 而呢間唔係！😜 烹調方法都接近正宗carbonara嘅💁🏻♀️ 面頭有唔少芝士碎，個底有蛋汁，撈勻食後蛋味好濃🥚 意粉口感煙韌，煙腩肉鹹香十足，正！😋 ❤️ Buffalo Wings $45
雞翼醃得都幾入味，齋食雞翼唔蘸醬係唔算辣，唔食辣嘅人士都可以試！如果嫌辣度唔夠可以蘸醬，辣度瞬間提升🆙❤️ Soufflé Pancake w/ Gelato $78
梳乎厘即叫即整，製作需時⏰ 一上枱見到伴碟個士多啤梨好靚，整到玫瑰花形狀🌹梳乎質感輕盈，偏濕潤，蛋香十足！ 不過整體我覺得可以再挺身啲！Gelato有得揀朱古力或抹茶味(每日提供嘅Gelato味道都唔同，落單前要詢問) 我就揀咗朱古力！朱古力味好濃醇，入口幼滑細緻，配埋梳乎厘相當夾😋❤️ Gelato Affogato $52
呢個真係幾高質！ 冰凍嘅Gelato同熱嘅Espresso分開上☕️ Espresso味道極為濃郁，香氣四溢，濃香回甘。倒落Gelato後，Gelato慢慢溶化，雪糕甜味同咖啡慢慢融合，咖啡味依然醇厚，甘澀度減少，甜度啱啱好🥰 呢杯Gelato Affogato幾出色！❤️ Special Recipe Chocolate $45
見個名幾特別就叫咗嚟試！飲落同平時飲嘅熱朱古力唔同，佢有混入黑朱古力，味道偏苦澀，無想像中咁甜👀餐廳推薦度：⭐️⭐️⭐️⭐️ (4/5)
無論咖啡同食物都有誠意，仲免收加一添！出餐又有效率，店主都幾nice😎👏🏻 支持🙌🏻
張貼
