東京築地拉麵 (已結業)

有事做黎到加拿芬廣場，順便黎呢度食埋野，見呢度有幾間食店，就揀左食拉麵。上到二樓，都已經三點幾，但茶木多人等到痴線，相返隔離嘅築地就靜過乜，見店員大叫日文，都好似ok咁，就算啦試下佢。黄金濃厚豚骨湯叉燒拉麵 $65賣相幾好，湯真係幾濃，但啲味麻麻，好味精feel…配料只有數條木耳絲，三條荀同兩條豆芽。叉燒十分淋，一夾粉碎，味道無乜。味付蛋半隻，又係無乜味，同凍嘅。拉麵係黃色個種，好大陣鹼水味，唔like。赤神濃厚豚骨湯叉燒拉麵 $68友人叫嘅赤神，味道基本上同上，配料落得更姑寒。湯完全唔掂，喺豬骨湯上加左辣油，但一啲都溝唔埋，個隻辣味同某牌子嘅辣椒油分別不大，好失望。除左放低兩杯迷理嘅熱麥茶同落單，都無見過個侍應，想加茶都揾唔到人，咁都要加一，真係唔知服務左去邊。