影片
更多
2011-05-18
9 瀏覽
與平日一樣二人晚餐，不過今次partner貪新鮮想試咁我當然不會反對因為我只負責食同寫文。^^鮮茄藍殼青口意粉 82.8 意粉質感煮得嫩口剛好味道我覺得不俗不會像一般西餐廳一pat醬就算。亦比坊間一般食肆算叫公道，鮮茄唔係用沒味道只有顏色的茄膏。即使採用專門煮意粉的意粉汁，那麼我覺得這間算叫蕃茄數量多及蕃茄汁液咬落鮮甜，起碼把意粉汁份量添多少許又不過於影響味道過濃就已很不錯。因為近年試過幫趁的食肆基於經濟成本效益以致它們通常會很古惑詬病多是汁液水份多同時又只採用本地很酸很酸的蕃茄就算，但慶幸這間算均真，mussels就算急凍都有鮮味及沒沙粒，算叫食物質素與消費者俾的價錢相乎。青芥末三文魚北寄貝pizza(細) 95.8pizza符合名稱所述，我會形容飯焦的比例不會太多，大概3分1主要分佈pizza 邊位置，其餘3分2都係芝士以及食材配料。我一樣第一次食，喜歡它的意念，感覺像撈汁食飯但又唔會像平日飯那種沉甸甸很實的感覺，邊咀嚼有時煙煙韌韌刹時又會香脆的飯焦。食材配料都係適量都係每樣2-3件，分佈平均。青芥末我就沒研究係膏狀定係植物那種wasabi…不過以我經驗膏狀那種只有kun及乸脷麻木
鮮茄藍殼青口意粉 82.8
意粉質感煮得嫩口剛好味道我覺得不俗不會像一般西餐廳一pat醬就算。亦比坊間一般食肆算叫公道，鮮茄唔係用沒味道只有顏色的茄膏。即使採用專門煮意粉的意粉汁，那麼我覺得這間算叫蕃茄數量多及蕃茄汁液咬落鮮甜，起碼把意粉汁份量添多少許又不過於影響味道過濃就已很不錯。因為近年試過幫趁的食肆基於經濟成本效益以致它們通常會很古惑詬病多是汁液水份多同時又只採用本地很酸很酸的蕃茄就算，但慶幸這間算均真，mussels就算急凍都有鮮味及沒沙粒，算叫食物質素與消費者俾的價錢相乎。
青芥末三文魚北寄貝pizza(細) 95.8
pizza符合名稱所述，我會形容飯焦的比例不會太多，大概3分1主要分佈pizza 邊位置，其餘3分2都係芝士以及食材配料。
我一樣第一次食，喜歡它的意念，感覺像撈汁食飯但又唔會像平日飯那種沉甸甸很實的感覺，邊咀嚼有時煙煙韌韌刹時又會香脆的飯焦。食材配料都係適量都係每樣2-3件，分佈平均。青芥末我就沒研究係膏狀定係植物那種wasabi…不過以我經驗膏狀那種只有kun及乸脷麻木感覺但這裡我覺得味道溫和唔會食唔到wasabi味但又不會喧賓奪主食不到餘配料味道，就算係膏狀wasabi咁嘅經濟我都不怪佢啦！right！？
和風煎焗山葵餃子29.8
其實除了山葵味道基本上可說是與一般日式餃子無異，依稀記得別的日式食店都食過蕃茄餃子，我覺得算係日式產物的姊妹花。
食後感：
與「喜歡它的意念…」上文那一段一樣故不贅言。
這食品能有三種風格係很絶讃的事，有中式糯米飯的口感，又有煲仔飯焦的特色，同時又有西方pizza的典範。畢竟日本人其實意念上係很聰明但像藍生他所言一樣有時聰明笨伯。@@
不過同是pizza但明顯飯的pizza比粉皮pizza所預備及製作的時間較長較繁複，試想想飯焦的形成…我諗平時我們家用西施煲整個飯話咁易反而用個瓦煲整個飯等飯焦都要掌握時間拿捏得準確才可以。當然以食肆的時間運作飯焦推斷都係用煎焗方式抽乾飯粒的水份，所以都係時間問題。同樣道理，以香港人分秒必爭坐車行步路都要搶閘時，要等待一個以時間為基礎的菜式係咪有點會糟蹋它的意念！？
以它的價位，其實我覺得味道尚算不俗，有時甚至收同一價位的食肆都不見得比這裡味道佳，故此當日我開飯晚巿平日已人流不絕，係個店舗不算太大，大家將就一下吧。
兩人$233
張貼
