赤屋中華日式料理店

營業中

休息中

同事想試，所以中午去食，本身唔食內臟同豬手，睇menu有就咁豬肉同漢堡，所以麵ok，等咗10分鐘入到去先話得返豬手/豬胃果類，已經有啲比佢呃嘅感覺，但再排其他可能過食飯時間。裝修係幾靚，用電話落單佢都可出錯，唔知算係服務差定無服務，叫咗個豬軟骨（佢嚟咗個特盛之類）、茶同櫻花大福，個湯一般，得少少辣嘅胡椒味，豬軟骨ok，豬胃真係食唔慣，豬手無食，大福一般，好似食啫喱咁，男人一定唔夠食，埋單around $90，個人覺得唔係好抵食，如果想食拉麵不建議食呢間，唔知關九州咩事，胡椒湯樓上二撇雞好食好多，簡單嚟講係扮日式嘅豬雜湯麵，可能只係豬手我唔啱食。