Café&Meal MUJI (已結業)

宜家好多brand零售做吾住，就改做食店，Agnes b係咁，Vivienne Westwood係咁，連Muji都係咁。係咪真係咁好食....老實，食名食裝修多過食野。如果Muji一個餐$100，我覺得$80係個名。今日同老婆叫一個下午茶同一個三品（三餸）餐，咁就2舊幾，吾抵之餘味道仲麻麻。首先係三品餐，兩冷盤+一熱盤+一湯+一飯，$98。先講湯，只係麵豉湯內加幾粒紅蘿蔔粒🥕同蘿蔔粒，咸度一般，味道一般，總之就一般；兩個冷盤分別係乳酪醬青蘋果乾果及雜菌乾蕃茄，份量少到自己睇圖，個蜂蜜乳酪醬係完全無蜜味，青蘋果算新鮮既，而所謂乾果，係兩粒..係真係得兩粒合桃；雜菌又切粒，d醬反而濃到蓋左菌味，乾蕃茄又係得兩粒縮到似提子乾既蕃茄仔，仲要係切開左，姐係其實得一粒。到熱盤雞翼，係完全無味之餘有雪氣，仲要其實吾熱，只係暖，個飯就真係有日本米既口感，可惜收我$98呢。到個下午茶，牛油果蟹肉牛角包，牛油果吾算多，混落蟹肉當沙律都算ok，但其實吾考功夫，都係無咩特別；薯條係新鮮既，亦同麥記既有分別，無油益味，但成為$108。總括：價錢貴、食物普通、份量少，完。