光榮冰室 (登龍街) (已結業)

光榮冰室喺銅鑼灣開咗一兩個月登龍街話晒都係食街美食雲集光榮價錢方面平就係幾平既不過，要預咗佢嘅食物質素真係麻麻純粹係餵飽咗自己建議你哋唔好有咩期望啊下😅咖喱牛腩飯咖喱汁就普通啦，都OK不過啲牛腩有好幾舊都係肥膏！基本上完全冇筋位牛腩質素真係麻麻同埋有少少無奈嘅係，佢個咖喱牛腩真係得咖喱同牛腩，咁你又唔可以話佢唔啱嘅⋯😅😅不過作為一個消費者，雖然話平，其實落少少洋蔥，或者甘筍，又或者薯仔，咩都好啦，人地食落都冇咁寡呀⋯ 成本都唔係真係咁貴啫開心浩園餐三隻蛋加雞扒都係貪得意叫下兩個人晚餐夾埋$100有找