和牛蕃 (已結業)

今日同老婆難得可以擺低兩個女俾工人同屋企人照顧，出黎拍下拖，見到呢間餐廳好似幾靚，仲有a5和牛set就上左去食上去個樓梯同個餐廳都真係幾靚，但d野食真係好垃圾，服務亦唔算好我地叫左最貴果2個a5和牛set, 單點左牛脷同刺身set.... 和牛個waiter過左一陣擺低左，兩塊原塊和牛，一個夾，一份擺開既刀叉，我地等左一陣以為會有人黎幫燒，等左一陣冇人黎問返個waiter先知係自己燒自己切，我諗係我食過既第一間餐廳食a5和牛係要自己切埋......都唔緊要既，最緊要d肉正丫嘛係咪先，點知最貴果set就冇乜牛味，第二貴果set就係“un“到咬唔到咁濟... 跟住個牛脷又係普通到不得了，個價錢同漁獲bun燒差唔多，味道係天同地既分別， 最後個刺身就一般，但個蝦殼裡面d似同膏離奇消失左....到服務喇，明明係疫情冇乜客，都可以勁耐先有人serve你，食到一半都未俾水我地，叫佢俾水又漏。。要叫多次先有..... 埋單千幾蚊真係食到我好嬲...甜品都未食打呢篇野出黎