麻辣派 (已搬遷) 新店位置

今日諗住出旺角買聖誕禮物，就諗起呢間麻辣派即刻打去book位，響左四五下就有人聽要9:00後先有位。行完街8:45左右，走去睇下有無得提早坐低。點知有位即刻坐低喇！基本上得兩個套餐揀，係$268同$328。我同老婆兩個人去食就諗住叫個$268試下先。食落其實真係好一般，所有海鮮都唔係好新鮮由其係蝦同青口，如果一定要揀個蟹算係最可以。每人有一罐飲品（無啤酒真係差啲）等個鍋嚟嘅時候可以出去攞每人十串嘢（大部份都係丸）。最後其實食剩好多嘢（類似薯粉，薯條，蜆同芽菜）最後有個四川冰粉送，都算幾好食，食完個口真係無晒辣味。不過可以講食完今次無下次了。