甘味讚岐手打烏冬 (已結業)

同男友行行吓街想食個輕食晚餐，見呢度門面光鮮，餐牌吸引，於是入去試試。叫咗碗溫泉蛋牛肉讚歧手打烏冬，成碗烏冬份量都算多，又有6，7塊牛肉。個湯係木魚湯底，撈埋個溫泉蛋，然後試下個湯先。味道有啲怪，唔似有木魚味，可能份量太少，而且有陣藥材味。從未試過一碗簡單嘅烏冬咁靠唔住。烏冬有靭度，有咬口。可惜無味。牛肉都大塊，肥牛咁，不過無肥牛咁軟腍，好靭食唔落。最後叫咗個紫菜炸尤魚酥，炸得咸香，脆漿夠薄夠脆，好送麵。不過無紫菜味，純係點綴用。