本真東后齋 (已結業)

三個女仔，慣咗星期一去食齋。今次揀咗呢間，一入去個環境都算幾雅緻。諗住三個女仔叫個二人餐，再叫多一樣野。個侍應話嗌二人餐要叫多一個餸（唔知佢呢一句野有乜特別意思），其實我哋都打算叫多個荷葉飯食，終於啲餸菜到咗就知道乜嘢意思，勁小巧喎。重點：🙄個$128荷葉飯真係唔知貴在乜，白飯底，個汁味道勁普通，又唔太夠熱。個黑松露汁炒乜乜乜，無松露味都算，其他味都無，無呀，0 呀🙄！個黑松露炒麵又係冇黑松露味，又無乜鑊氣盛盛盛味，好似去咗海景粥店食嘅炒麵咁😔。其他都勁一般😞。二人餐要三百幾蚊，個荷葉飯要＄128 ,連埋茶介埋單五百幾蚊。價錢唔係話非常之貴但係食之無味囉。