品坊 (已結業)

偶然見到Novotel既自助午餐，平日只要$158再加一，睇落幾吸引，於是呼朋引伴去大吃一餐。熟食種類都有咖哩，魚柳，粥，豬皮魚蛋等等，超普通。反而豬腳薑有驚喜，豬腳煮得好腍。平時都好鍾意食烤牛肉，所以我第一時間就去攞，可惜負責切烤牛肉既職員，切肉技術超級差，將塊牛肉切薄d，可以分多d人，我都理解，不過係佢切到塊牛肉碎晒。雖然牛肉既味道同肉質係ok,但佢搞到成塊肉散晒，真係令人食慾大減。刺身方面，只有希靈魚好食，其他刺身同壽司都麻麻。海鮮有三款，青口，蝦及蜆， 坦白講只有蝦係新鮮彈牙，其餘都唔掂。因為好味既只有兩三款食物，所以早早就去甜品區覓食，個人認為甜品區既甜食係質素最好，亦都有6款Haagen Dazs。 總括黎講，如果剩係想食豬腳薑，蝦同Haagen Dasz, 咁黎呢度午餐都okay既。