影片
更多
2017-01-21
1152 瀏覽
在繁華旺區之中當然有好多好餐廳，但原來走進紅磡不起眼的小街巷之中，亦可以以尋得精緻小餐廳：Cook king cooking外面佈置同內裏裝飾都看得出呢間餐廳走溫馨路線，好cozy，入到去坐低覺得幾舒服，店員招呼亦都好温情，見到佢地同其他客人有說有笑又互相問候，看得出佢哋係熟客，令到整間餐廳都有一種鄰里和睦的氣氛，雖然見我哋生面口，但cook king佢一樣好好招呼，又主動同我地傾計，介紹下佢啲菜式咁，好好人。先來了個餐湯，甘筍南瓜忌廉湯，有少少南瓜的質感令到湯少少稠，但其中亦不乏甘筍的甘甜，令到呢個湯好平衡，幾開胃。個炸雞好香脆！真係一咬即碎果種脆，裏頭嘅雞肉保持嫩滑，而醬汁係佢哋自己調配的，最正係個價錢只不過係60幾蚊，仲想點！ ？看到牆上的黑板仔寫有海膽Pizza ,朋友話想試吓睇吓係點嘅，我反正喜歡食pizza , 當然冇所謂，而心目中想係在pizza 面上面放少少海膽一齊焗，但當面前上了呢一個海膽pizza，真係只能用震撼來形容呀！本身我以為個pizza係用少少海膽放在上面焗，但係原來佢哋係好大手筆咁樣用大大隻的加拿大海膽刺身活生生的放在Pizza上面，一個pizza個皮焗
在繁華旺區之中當然有好多好餐廳，但原來走進紅磡不起眼的小街巷之中，亦可以以尋得精緻小餐廳：Cook king cooking
外面佈置同內裏裝飾都看得出呢間餐廳走溫馨路線，好cozy，入到去坐低覺得幾舒服，店員招呼亦都好温情，見到佢地同其他客人有說有笑又互相問候，看得出佢哋係熟客，令到整間餐廳都有一種鄰里和睦的氣氛，雖然見我哋生面口，但cook king佢一樣好好招呼，又主動同我地傾計，介紹下佢啲菜式咁，好好人。
先來了個餐湯，甘筍南瓜忌廉湯，有少少南瓜的質感令到湯少少稠，但其中亦不乏甘筍的甘甜，令到呢個湯好平衡，幾開胃。
個炸雞好香脆！真係一咬即碎果種脆，裏頭嘅雞肉保持嫩滑，而醬汁係佢哋自己調配的，最正係個價錢只不過係60幾蚊，仲想點！ ？
看到牆上的黑板仔寫有海膽Pizza ,朋友話想試吓睇吓係點嘅，我反正喜歡食pizza , 當然冇所謂，而心目中想係在pizza 面上面放少少海膽一齊焗，但當面前上了呢一個海膽pizza，真係只能用震撼來形容呀！本身我以為個pizza係用少少海膽放在上面焗，
但係原來佢哋係好大手筆咁樣用大大隻的加拿大海膽刺身活生生的放在Pizza上面，一個pizza個皮焗得夠鬆軟，又熱騰騰上菜，芝士又夠多，啲料又齊，本身已經好好味，仲要在上面加上海膽呢種令人瘋狂的食材，本來仲擔心會不會格格不入，食過才知道咁的煮法簡直令菜式耳目一新。畫龍點睛之處就係佢地仲會在海膽加上細細粒的魚子，等你正在咀嚼軟滑的海膽pizza 之時又能咬到脆卜卜的魚子，海膽與芝士的濃郁令到味蕾為之陶醉，其中仍有菠蘿粒的果汁留出摻於其中，濃郁之中嚐到果鮮，完美！壓軸好戲要上演了，就是這個BBQ醬燒豬肋骨！
令人十分喜出望外，真係唔好以為係高檔西餐廳先食到好味的西餐，呢味菜完全係高質的表現，莫講話個燒汁甜甜地已經好開胃好惹味，連個豬亦燒得剛好，肉質不會過熟保持嫩滑！
套餐加少少錢仲可以有手工啤飲，送豬肋骨一流！朋友叫了個咖啡，細細間餐廳，也一絲不苟地為你送上一個動人的拉花 ！cook king 話佢哋用的係日本北海道奶，只係為求杯咖啡的口感滑一點，真是用心良苦，小小餐廳，小本經營，但也在不吝嗇成本，想為客人提供高質的咖啡，很欣賞他們的精神。
淨係賣相已經好高分，荔枝雪糕的清甜，加上白籣地的酒味與荔枝雪糕和蜜糖的甜味，是種超正的配搭，落少少加上滑溜的奶凍一齊食，口感與味覺上也是很高的享受。
雖然唔係呢度附近住的街坊，但我同朋友都話得閑會想放工再過來食嘢，除了高質的食物吸引我哋再回來，鎮店之寶Cook King 的温情招待當然是重點！張貼
