影片
更多
2013-05-02
478 瀏覽
得龍飲茶, 得呀! 今日為勞動節假期, 我同Honey都唔駛返工, 我早幾日已同佢講要去得龍飲早茶, 佢當然無托我手踭啦, 嘻嘻...雖然我哋嘅所謂'早茶'係11:30至到達, 但都真係好開心 ~得龍嘅晚飯嚟食過幾次, 非常唔錯! 飲茶今次只係第二次嚟, 唔知點解, 成日都唔醒起嚟呢度唔一定食晚飯可以嚟嘆茶o架o麻, 其實應該要幫趁多啲! 今日我哋兩個人撐枱腳, 叫唔到太多嘢....真係有啲失落 (其實因為我係為食貓, 相信我哋已經俾其他二人份量叫多好多, 哈哈~) 义燒包個醬好味, 山渣咕嚕肉為'迷你版'$24蚊, 碟一上我哋急不及待食咗幾件至醒起未影相, 無欺場係即叫即炒嘅, 卜卜脆, 個汁唔多唔少啱啱包著啲肉, 酸酸甜甜開胃好吃! 雞扎係傳統做法, 入面有火腿冬菇豬皮豬肚同滑雞, 而且件雞係好食都出奇, 都真係要讚吓! 牛肉球大大件, 山竹同菜放响底, 好食! 如果馬蹄再多啲就仲正. 灌湯餃通常出面食都起碼$28 至3X幾蚊, 呢度係'大點'18蚊, 咁梗係要捧吓場叫番隻食吓啦, 料多, 湯有韮皇味, OK啦！馬拉糕好綿好香都唔錯，其實我成日想叫粉果同椒鹽
得龍嘅晚飯嚟食過幾次, 非常唔錯! 飲茶今次只係第二次嚟, 唔知點解, 成日都唔醒起嚟呢度唔一定食晚飯可以嚟嘆茶o架o麻, 其實應該要幫趁多啲! 今日我哋兩個人撐枱腳, 叫唔到太多嘢....真係有啲失落 (其實因為我係為食貓, 相信我哋已經俾其他二人份量叫多好多, 哈哈~) 义燒包個醬好味, 山渣咕嚕肉為'迷你版'$24蚊, 碟一上我哋急不及待食咗幾件至醒起未影相, 無欺場係即叫即炒嘅, 卜卜脆, 個汁唔多唔少啱啱包著啲肉, 酸酸甜甜開胃好吃! 雞扎係傳統做法, 入面有火腿冬菇豬皮豬肚同滑雞, 而且件雞係好食都出奇, 都真係要讚吓! 牛肉球大大件, 山竹同菜放响底, 好食! 如果馬蹄再多啲就仲正. 灌湯餃通常出面食都起碼$28 至3X幾蚊, 呢度係'大點'18蚊, 咁梗係要捧吓場叫番隻食吓啦, 料多, 湯有韮皇味, OK啦！馬拉糕好綿好香都唔錯，其實我成日想叫粉果同椒鹽龍鬚豆腐，但見Honey好似都夠喇， 我仲點好意思再叫呀！ 哈哈～
呢度飲茶好舒服，今日休息無咗附近啲白領，都係街坊客，各人有各人地盤打吓牙較有啲就揸份報紙刨吓馬咁，出奇地唔太嘈，我哋人少又無晒卡位喇，所以坐响'中枱'，要搭枱，但佢啲侍應都好識做，會 Balance 一下各張枱的承受量，唔會排到你迫一迫咁！ 服務方面都要讚！ 要水要茶要辣醬落單收枱面嘢全部係侍應自動埋枱招呼我哋做嘅， 唔駛好似好多酒樓的侍應陋習要人 '三催四請’又或者玩 '我睇你唔到，你又睇我唔到咁’。。。 而且仲要唔駛加一 (今日睇報紙，有酒樓玩加１３％服務費添。。。), 食完又無口渴，整體感覺良好! 我upload 埋點心紙同粉麵紙俾大家睇，點心其實唔算好多款但應該有的都有喇，大中小點全部仲係１字頭價錢, 其他酒樓中點起已經係１６或１８蚊再加一, 大點甚至收緊２同３字頭啦, 炒碟嘢閒閒地６、７、８拾蚊、甚至收一舊水添，呢度真係好味飽肚兼抵食！ 老細'曾生'今日成日守响廚房門口個崗位，我幾想同佢搭訕讚好味呀但佢咁集中都係唔好騷擾佢喇！（最主要係費事Honey笑我無聊啦。。。）我本來唔想寫呢個食評o架，俾人發現咁抵，容咩易害到啲街坊要排隊至有茶飲呀？！ 但我又想記低我同 honey 嚟過嘅一天，所以我就自私啲照寫呢！ Honey, 我要短期內encore呢間, 幾時再嚟好呢？！
張貼
