影片
更多
2009-10-14
8 瀏覽
新都會既食肆係狂風掃落葉的執執執執執清光行動後，又顯番ｄ生命力，昨夜無意見到有上海婆婆，故便入去一試。冷盆：雞絲手晶粉皮熏魚熱菜：銀芽炒鱔糊雪菜炒年糕上海婆婆粒粒炒飯點心：小籠兩籠（８隻）湯羹：宋嫂魚羹逐樣黎數： 雞絲粉皮，雞肉不夠細，粉皮不夠滑，同埋應用麻醬佢用花生醬；需用三和油，即醬油﹑麻油果ｄ，佢好少，唔夠味。 熏魚，真係得啖笑。基本上同銅記「南翔小籠」同人路數，錯晒。勝在佢魚唔腥，當佢唔知咩炸魚塊都可以囫圇下肚。 銀芽鱔糊。係「南翔小籠」慘烈的經歷後，醒左，點都睇清楚問清楚，唔要有韭黃成份既！同埋上菜後主動問佢拎胡椒粉，因為佢地都係唔會落嫁喇煮果陣。食落，ｏ晒咀。唔係鱔絲整既，只係將段黃鱔切成條，既來之則安之，當佢黃鱔咁食，但又唔岩！佢ｄ魚係死既，失去左炒鱔時食既皮爽肉滑。ｄ銀芽炒到濕晒，過左火。 雪菜炒年糕，又係比「南翔」好ｄｄ，因為多ｄ綠意（即係多左ｄｄ所謂雪菜）。但查實雪菜唔係綠色的，食落完全無雪菜既鮮味同鹹味。加之年糕太軟身，失卻彈牙之Ｑ。加埋筍絲放得太孤寒，心諗：係人都知你地用既唔係新鮮筍喇，罐頭又好，真空又好，你都落多幾條喇，又唔係貴，當比錢食果個係乞兒咩！
冷盆：
雞絲手晶粉皮
熏魚
熱菜：
銀芽炒鱔糊
雪菜炒年糕
上海婆婆粒粒炒飯
點心：
小籠兩籠（８隻）
湯羹：
宋嫂魚羹
逐樣黎數：
雞絲粉皮，雞肉不夠細，粉皮不夠滑，同埋應用麻醬佢用花生醬；需用三和油，即醬油﹑麻油果ｄ，佢好少，唔夠味。
熏魚，真係得啖笑。基本上同銅記「南翔小籠」同人路數，錯晒。勝在佢魚唔腥，當佢唔知咩炸魚塊都可以囫圇下肚。
銀芽鱔糊。係「南翔小籠」慘烈的經歷後，醒左，點都睇清楚問清楚，唔要有韭黃成份既！同埋上菜後主動問佢拎胡椒粉，因為佢地都係唔會落嫁喇煮果陣。食落，ｏ晒咀。唔係鱔絲整既，只係將段黃鱔切成條，既來之則安之，當佢黃鱔咁食，但又唔岩！佢ｄ魚係死既，失去左炒鱔時食既皮爽肉滑。ｄ銀芽炒到濕晒，過左火。
雪菜炒年糕，又係比「南翔」好ｄｄ，因為多ｄ綠意（即係多左ｄｄ所謂雪菜）。但查實雪菜唔係綠色的，食落完全無雪菜既鮮味同鹹味。加之年糕太軟身，失卻彈牙之Ｑ。加埋筍絲放得太孤寒，心諗：係人都知你地用既唔係新鮮筍喇，罐頭又好，真空又好，你都落多幾條喇，又唔係貴，當比錢食果個係乞兒咩！
粒粒炒飯，查實叫果時都唔知係咩。上左黎，啡啡黑黑咁一碟，食落口，有ｄ臘腸炒飯既味道，無甚奇處，色亦不佳，不明何以為廚師推介？但食落都係全場最正常既野。
小籠，較之以小籠出名的「南翔」又略勝半籌。無他，皮薄較之矣。饅頭底以蕪菁片托底，巧而不實。肉不鮮，湯無味，餡又鬆散。噫！
宋嫂魚羹。於上海館子中有杭菜，亦心知不妙，唯同行ｏｒｄｅｒ，照試不虞。食之，果不知所謂。不知魚之鮮，又不知何為置薑絲，調鼎不和，食之不甘，只可倒酢作碗仔翅啜飲之猶不及。
再加上份量，ｏｒｄｅｒ之時，問侍應：「份量多不多」答日：「可足五六人份量」。上菜後，方知港人皆櫻桃小嘴結紮胃，分明以小兒份量充饑之用。
結賬共三百九十六元連加一。
張貼