影片
更多
2015-06-20
586 瀏覽
公司有個女同事成日話合和附近有間cake shop的曲奇點好食點好食法，終於有日lunch time去咗。咁多款曲奇，lunch hour又淨返唔係好多時間俾我慢慢試食，當下個moment我就反而被個層架側面果兩盒父親節限定曲奇吸引咗，一秒解決父親節禮物嘅煩惱，果斷買下細盒裝（Fine，搵次時間冇咁趕再試食其他口味吧）：跟手又買埋店員推介嘅天然糖曲奇，孝敬患糖尿病嘅家父：等阿爸（同我）食過晒再報告得唔得。另外，臨走前冒住遲到被我阿姐黑面嘅風險，仲買埋呢個Lego蛋糕返公司做下午茶（咁得意，唔買對唔住自己）：下午茶時間，一打開個盒D女同事就嘩嘩聲圍晒上嚟係咁影相（成世仔都未試過咁受女人歡迎，爽），即時覺得好唔好味都已經係其次，呢件餅真係冧女必備，冇得輸 XDDDWell，講就咁講，咁都真係要好食先得嘅。呢款Lego蛋糕其實有四隻色，紅藍黃綠，四隻都唔同味，我揀咗黃色因為佢最似Lego，返到去一食先至知道係芒果味，正。我好怕D鬼死咁甜嘅蛋糕／甜品，好彩件Lego蛋糕甜度適中，可以話係偏淡嘅甜味，啱我。入面其實唔係好多芒果，以cream為主，有少少海綿蛋糕咁，中間好似有D類似椰絲味嘅嘢，不過
咁多款曲奇，lunch hour又淨返唔係好多時間俾我慢慢試食，當下個moment我就反而被個層架側面果兩盒父親節限定曲奇吸引咗，一秒解決父親節禮物嘅煩惱，果斷買下細盒裝（Fine，搵次時間冇咁趕再試食其他口味吧）：
跟手又買埋店員推介嘅天然糖曲奇，孝敬患糖尿病嘅家父：
等阿爸（同我）食過晒再報告得唔得。另外，臨走前冒住遲到被我阿姐黑面嘅風險，仲買埋呢個Lego蛋糕返公司做下午茶（咁得意，唔買對唔住自己）：
下午茶時間，一打開個盒D女同事就嘩嘩聲圍晒上嚟係咁影相（成世仔都未試過咁受女人歡迎，爽），即時覺得好唔好味都已經係其次，呢件餅真係冧女必備，冇得輸 XDDDWell，講就咁講，咁都真係要好食先得嘅。呢款Lego蛋糕其實有四隻色，紅藍黃綠，四隻都唔同味，我揀咗黃色因為佢最似Lego，返到去一食先至知道係芒果味，正。
我好怕D鬼死咁甜嘅蛋糕／甜品，好彩件Lego蛋糕甜度適中，可以話係偏淡嘅甜味，啱我。入面其實唔係好多芒果，以cream為主，有少少海綿蛋糕咁，中間好似有D類似椰絲味嘅嘢，不過我唔係好sure。上面嗰四粒鈕入面都係cream來的，唔係死實實甜爺爺嘅糖霜，Good，有heart，可以食埋。我自己食之前，隔離位個女同事叉咗一啖來試，佢都話幾好味（佢未食之前話，通常個樣好特別嘅蛋糕都係好睇唔好食喎，呢件lego一啖就收咗佢皮 XD）。食完之後都係果句：呢件餅，冧女必備，哈。除咗外型夠晒cutie，佢勝在唔太甜，D女仔成日話怕肥但一講甜品又生多個胃，我估呢塊Lego佢地實buy啦
張貼
