串Grill 自助燒烤專門店 (廣華街) (已結業)

今日早咗收工去咗旺角同朋友打算早啲食飯，就揀咗呢一間喺廣華街嘅串燒，我哋7:30前離座，208+10%，價錢嚟講都算幾抵食，時間有兩個鐘頭咁多，我哋Walk in就有位 座位嚟講，都幾寬躺，唔會有太多嘅感覺，唔錯一坐低，店員會比一個頭盤我哋，咩都有啲例如牛肉豬肉芝士腸魚蛋 之後就同我哋介紹醬汁，呢間舖頭好特別有生酮醬汁，加$20就可以試吓！如果唔加錢嘅話都有三種不同嘅醬汁首先要推介即係佢嘅五花腩，燒左之後非常好食，再加埋佢韓式梨汁燒烤醬，中和返個味道，配搭幾好M6和牛牛柳亦都值得推介，牛肉味非常搭夠，亦唔會有太韌嘅感覺，食多幾次就即刻回本 雞卷肉嘅雞皮燒燶咗之後，非常香脆可口我會覺得呢一個雞卷係幾好食，仲要係去骨嘅，啖啖雞肉幾好 飲品方便就有唔同嘅支裝飲品，由於食燒烤嘅關係，我就選擇左要菊花蜜，都幾好飲 最後我哋仲有每人一杯Häagen-Dazs！我哋揀咗曲奇味同埋莓味！食到飽到捧住個肚走！非常滿足