Madam Saigon (已結業)

去尖沙咀食野，到咗美麗華商場，底層有唔少新嘅食店。見到開咗一間新嘅越南餐廳，於是就入去試一試。點左一個蕃茄蟹肉湯檬粉同埋一個炒蓮藕苗。蕃茄蟹肉湯檬粉嘅湯底幾鮮味，帶著濃濃的香料味道，鍾唔鍾意就見仁見智啦。蟹肉都唔少，而且仲有幾粒豬肉丸添。肉丸爽滑彈牙㗎。至於炒蓮藕了，我都係第一次食咋。平時食好粗的蓮藕就食得多啦，原來蓮藕苗係咁幼同咁細條。賣相就好睇不過食落就麻麻地，因為好多渣，咬唔爛。貪新鮮試一次都幾有趣㗎。呢間餐廳嘅嘢食都幾特別，味道都唔錯，遲啲可以返來再試其他食物。