影片
更多
2025-02-06
41 瀏覽
新年假期最後一日，去左元朗Yoho Mix 行街，順便食晚餐。早前聽過Pause It 嘅得獎咖啡拉花太有名，而且佢哋仲有統籌咖啡拉花課程，就打算嚟呢度見識吓。餐廳裝修簡約得嚟又好有格調，空間感十足，坐得好舒服。晚飯時段，除咗有二人餐之外，仲有一人餐，二人餐就包埋甜品，由於我哋唔想食太飽，所以決定嗌兩個一人餐算啦。一人餐頭盤有是日餐湯或是日沙律，亦可以以優惠價$15兩樣都要。除此之外，仲有主菜同埋飲品，價錢都只係$108起。️ 是日餐湯係甘筍湯，廚師好有心思，用忌廉去整出笑哈哈嘅圖案，打卡一流。甘筍湯色澤鮮艷，散發住淡淡嘅甘筍香氣，入口濃郁creamy，甘筍嘅甜味恰到好處，飲落好暖胃。是日沙律係青蘋果沙律，青蘋果切成片狀，搭配新鮮嘅沙律菜，再淋上蜜糖芥茉汁，色彩繽紛，青蘋果酸甜爽脆，同蔬菜嘅清新互相襯托，食落好開胃。烤甜椒忌廉汁雞肉意粉：意粉口感 al dente，雞肉好香嫩，甜椒同忌廉汁嘅搭配簡直係天生一對，入口creamy,味道濃郁得嚟又唔會太膩。香草烤美國春雞配薯菜:春雞烤到金黃香脆，雞肉外皮香脆，肉質鮮嫩多汁，香草嘅香氣滲入雞肉，配埋燒烤汁，味道好有層次感。配菜仲有烤薯仔同埋青瓜
餐廳裝修簡約得嚟又好有格調，空間感十足，坐得好舒服。
晚飯時段，除咗有二人餐之外，仲有一人餐，二人餐就包埋甜品，由於我哋唔想食太飽，所以決定嗌兩個一人餐算啦。
一人餐頭盤有是日餐湯或是日沙律，亦可以以優惠價$15兩樣都要。除此之外，仲有主菜同埋飲品，價錢都只係$108起。
️
是日餐湯係甘筍湯，廚師好有心思，用忌廉去整出笑哈哈嘅圖案，打卡一流。甘筍湯色澤鮮艷，散發住淡淡嘅甘筍香氣，入口濃郁creamy，甘筍嘅甜味恰到好處，飲落好暖胃。
是日沙律係青蘋果沙律，青蘋果切成片狀，搭配新鮮嘅沙律菜，再淋上蜜糖芥茉汁，色彩繽紛，青蘋果酸甜爽脆，同蔬菜嘅清新互相襯托，食落好開胃。
烤甜椒忌廉汁雞肉意粉：
意粉口感 al dente，雞肉好香嫩，甜椒同忌廉汁嘅搭配簡直係天生一對，入口creamy,味道濃郁得嚟又唔會太膩。
香草烤美國春雞配薯菜:
春雞烤到金黃香脆，雞肉外皮香脆，肉質鮮嫩多汁，香草嘅香氣滲入雞肉，配埋燒烤汁，味道好有層次感。配菜仲有烤薯仔同埋青瓜，令到成個擺盤非常精美。
餐飲包美式咖啡，亦都可以補差額upgrade去其他飲品，喜歡飲咖啡嘅我哋，當然upgrade啦。
意式泡沫咖啡/竹炭鮮奶咖啡：
意式泡沫咖啡嘅泡沫好綿密，咖啡味香濃，飲落好香滑！而竹炭鮮奶咖啡就多一份竹炭嘅獨特香氣，味道好有層次，同鮮奶融合得好好，而且拉花都好靚！兩杯嘢飲都好啱我哋嘅口味，飲完好滿足！最值得一讚嘅係佢哋嘅拉花真係好有創意，每一杯都唔同，只係見到都已經好開心，仲可以打埋卡添。
Pause It 嘅食物質素好高，環境又舒服，真係一個同朋友聚餐嘅好地方。
張貼
