金泰園 (已結業)

今日同太太去了友愛，當時已經晚上九點，見佢未關門所以就入咗去食。點左馬拉盞炒通菜、蟹肉炒飯和泰式金邊粉，每樣都係$68。可能因為人少，點菜後5分鐘，就已經有炒通菜。通菜係炒得好食同埋翠綠，不過呢啲味道係由蒜頭和大量既油炒出來。出街食就預咗冇屋企自己煮咁健康㗎啦。蟹肉炒飯都幾大碟，不過仲有一舊舊飯，明顯炒得唔夠均勻，同埋蟹肉都有少少殼。炒金邊粉蝦都大隻嘅，味道酸酸甜甜。不過我自己就唔太鍾意食，因為始終覺得太濕，我鍾意乾炒。食物份量算大，所以加兩蚊要咗個外賣盒，環保啲唔好浪費食物。第二日整返熱嚟食，竟然係炒金邊粉好食過蟹肉炒飯。