影片
更多
2024-05-17
12 瀏覽
飲茶 Yum Cha📍中環德輔道中173號南豐大廈2樓1-2號舖好耐無見嘅中學老友呢晚搵我一齊食飯，因為大家都係識食之人，食餐飯都想搵啲值得打卡、有亮點嘅餐廳，所以佢揀咗中環近上環嘅一間新派中菜點心餐廳，方便同在港島工作嘅我倆。飲茶好受外國遊客歡迎，除咗西方人，當晚座上客亦不乏韓國、菲律賓等旅客，睇嚟打卡真係無分國籍！ 💰$89干煸四季豆 🥗惹味非常嘅干煸四季豆，炒得乾身唔油膩，肉沫只有少量肥肉，淨食已經好好味，相信配飯一定好下飯！ 💰$138芝士海蝦伊麵 🍤🍝一碟伊麵都夾到5-6碗，性價比都唔低。海蝦上粉後炸得金金黃黃，包裹住嘅蝦肉彈牙爽口，加上調味唔會過鹹，芝士味亦偏淡，所以即使得兩個女仔都可以輕鬆KO，唔會過份飽滯。 💰$68/4件櫻花蝦燒賣 🥟坊間有唔少fusion燒賣，例如舊式嘅鵪鶉蛋燒賣，或新式嘅黑松露燒賣；基本上只要係燒賣，我都一定會試下。呢間餐廳選擇以櫻花蝦代替常見嘅蟹籽，亦將一般黃色嘅燒賣皮改成綠色，製作耳目一新嘅櫻花蝦燒賣。燒賣內餡包有蝦肉、豬肉同冬菇片，口感彈嫩juicy，無咩肥肉，連同櫻花蝦一齊食，味道得以昇華。 💰$49/3件睇住流奶 😮餐廳其中一款招牌人氣包
📍中環德輔道中173號南豐大廈2樓1-2號舖
好耐無見嘅中學老友呢晚搵我一齊食飯，因為大家都係識食之人，食餐飯都想搵啲值得打卡、有亮點嘅餐廳，所以佢揀咗中環近上環嘅一間新派中菜點心餐廳，方便同在港島工作嘅我倆。
飲茶好受外國遊客歡迎，除咗西方人，當晚座上客亦不乏韓國、菲律賓等旅客，睇嚟打卡真係無分國籍！
[價錢 Price]
💰$89
干煸四季豆 🥗
惹味非常嘅干煸四季豆，炒得乾身唔油膩，肉沫只有少量肥肉，淨食已經好好味，相信配飯一定好下飯！
[價錢 Price]
💰$138
芝士海蝦伊麵 🍤🍝
一碟伊麵都夾到5-6碗，性價比都唔低。海蝦上粉後炸得金金黃黃，包裹住嘅蝦肉彈牙爽口，加上調味唔會過鹹，芝士味亦偏淡，所以即使得兩個女仔都可以輕鬆KO，唔會過份飽滯。
[價錢 Price]
💰$68/4件
櫻花蝦燒賣 🥟
坊間有唔少fusion燒賣，例如舊式嘅鵪鶉蛋燒賣，或新式嘅黑松露燒賣；基本上只要係燒賣，我都一定會試下。呢間餐廳選擇以櫻花蝦代替常見嘅蟹籽，亦將一般黃色嘅燒賣皮改成綠色，製作耳目一新嘅櫻花蝦燒賣。
燒賣內餡包有蝦肉、豬肉同冬菇片，口感彈嫩juicy，無咩肥肉，連同櫻花蝦一齊食，味道得以昇華。
[價錢 Price]
💰$49/3件
睇住流奶 😮
餐廳其中一款招牌人氣包點—睇住流奶，眼仔碌碌，造型趣怪，愛打卡人士必點！包內有大量熱辣辣嘅流沙奶黃餡，可以喺眼仔附近篤個口，輕輕按壓，「睇住流奶」，有趣又好味！
[價錢 Price]
💰$49/3件
鴿吞鳳梨 🕊️🍍
三隻白鴿造型嘅鳳梨酥，乖乖哋坐喺籠內等候被食用，又係一吸睛之作。酥皮造功認真，有細心刻畫白鴿尾巴同翼嘅細節，創意十足。不過個人認為鳳梨餡味道偏甜，口感亦過於硬身，食開正宗鳳梨酥嘅朋友可能會感失望。
[價錢 Price]
💰$49
葡國鮮奶撻 🥧
另一款甜品係葡國鮮奶撻，三隻迷你撻賣相的式可愛，撻面鋪有黃糖，營造微焦效果。雖然望落同一般蛋撻仔無咩分別，但千祈唔好俾表層黃色呃咗！咬落先知裏面係白色，係鮮奶撻嚟。但始終撻皮比較易散，鮮奶蛋漿亦無咩香味，同想像中嘅「葡撻」有少少出入。
張貼
