龍寶酒家

營業中

休息中

以前細個好多嘢唔鐘意食, 所以唔鍾意飲茶, 覺得好悶好嘥時間, 不過人大咗就發現好多嘢唔係必然, 可以陪屋企人飲吓茶, 其實係一種簡單嘅幸福。🥢蟹籽燒賣皇爽滑彈牙, d 蝦仁好大粒, 香菇唔會太搶太重味。🥢潮式蒸糯米卷好少地方有得食喇, 個包都好軟熟, 糯米軟硬度亦適中。🥢鮮竹牛肉球牛肉球充滿牛肉味, 唔會太粉。🥢金牌流沙包奶黃包如果唔係流沙真係會好古怪, 好彩呢度嘅流沙包做到流心嘅感覺, 唔會太甜。🥢蜜汁叉燒腸腸粉皮略縑有少少粗糙, 唔夠滑, 叉燒亦都有少少鞋口, 麻麻地。🥢家鄉煎薄餅煎到外脆內軟, 份量亦好大。整體食物都好食, 服務亦不錯, 下次飲茶一定會諗起呢度。