影片
更多
2020-05-16
233 瀏覽
由於最近打開食評，真係好想記錄一下一月頭某一個星期日中午同女朋友去咗大坑食lunch嘅體驗。點解隔咗幾個月我仲印象咁深刻？你睇埋落去就知道喇...。女朋友話貪大坑靜靜地，感覺好Chill咁。女友見呢間餐廳晚市比較貴，但Weekend晏晝都有做Set，所以就捉咗我黎試下。餐館非常細間，啲枱凳分開睇就幾靚，但唔同款式擺埋一齊，感覺好奇怪，唔搭調。唔知係咪我哋太早出沒，餐廳得我哋一台客，去到差唔多點半我哋食完之際，先有另一位客人出現。餐廳得一個廚同一個男店員，佢地明明唔係好忙，但都好似唔多想招呼我哋咁。佢個lunch set連餐湯或者沙律都冇，只係叫做跟杯熱飲，感覺有啲搵笨。我哋都等左陣先有得食，雖然服務麻麻，但心裏面都抱住啲期望嘅，覺得應該唔錯，因為網上見到好多好評同埋啲食物圖幾靚。我哋叫咗一碟Risotto同一碟Pasta。唔好話我馬後炮，一上碟我就已經覺得碟意粉超唔掂，因為啲意粉煮到發脹晒，望見都知唔好食。而實際放入口更比我想像中仲難食，因為連個所謂龍蝦汁都不知所謂，完全唔鹹，仲粉粉地。至於隻西班牙紅蝦，得壹隻，懶係矜貴過乜咁，唔講真係以為你比龍蝦我囉。唔係龍蝦唔緊要，但隻蝦霉嘅，我直
我哋都等左陣先有得食，雖然服務麻麻，但心裏面都抱住啲期望嘅，覺得應該唔錯，因為網上見到好多好評同埋啲食物圖幾靚。我哋叫咗一碟Risotto同一碟Pasta。唔好話我馬後炮，一上碟我就已經覺得碟意粉超唔掂，因為啲意粉煮到發脹晒，望見都知唔好食。而實際放入口更比我想像中仲難食，因為連個所謂龍蝦汁都不知所謂，完全唔鹹，仲粉粉地。至於隻西班牙紅蝦，得壹隻，懶係矜貴過乜咁，唔講真係以為你比龍蝦我囉。唔係龍蝦唔緊要，但隻蝦霉嘅，我直頭吐都吐唔切。
至於碟意大利飯，喺有對比嘅情況下，佢正常好多，起碼啲飯唔使吐。但我想講佢舊鵝肝又係世界級唔掂，我諗連街坊串燒店如果有賣鵝肝嘅話，都一定好食過佢。因為我從未食過實心嘅鵝肝囉，佢連油都唔多滴，更加唔好講佢有入口即溶嘅效果。我夠膽講如果我認真煮嘢食，水準都一定好過佢。我女朋友今餐只係每樣食咗兩啖就停手，佢冇特別出聲講，但睇佢嘅反應我就知道係唔好食。可能因為間餐廳係佢揀，所以佢唔敢即時發我脾氣。事後我問返佢，佢都話好難食，仲叫我唔好嬲佢。自從幫襯過依間餐廳之後，我哋都攞佢嚟做Benchmark，比較下好唔好食。暫時佢仍然係可以保持咁金身不敗😆。
張貼
