影片
更多
2017-05-29
7292 瀏覽
係好耐好耐之前⋯仲好細個既屈小姐已經聽過佢既大名啦⋯就係台灣遠道而黎既《程班長》，好記得佢當時風頭一時無兩，分店愈開愈多，不過素聞就質素一般，而當時我地梗係無試過啦！時至今日，有賴生既出現，陪伴左屈小姐以後既(美食)人生，而屈小姐又知道賴生其實都鍾意食台灣野，所以佢諗起《程班長》呢位轉校生！屈小姐research 完發現《程班長》剩番一間，而且大受歡迎！所以佢就膽粗粗帶埋賴生黎試啦！一黎到，入面已經好多人，但我地真係好好彩，居然唔駛等位（但我地食完發現外面好多人等緊位），我地就急不及待坐低研究下叫咩食啦！雖然呢，呢度環境嘈D逼D，又要同人搭枱，但呢度既各位人員都招呼好好嫁！我地2小口夾埋叫左5樣野，賴生(同屈小姐)實在太大食啦先黎一碗招牌貨：1） 紅燒半筋半肉麵：5星 食牛肉麵最緊要正宗！《程班長》你一定冇揀錯！事關呢度無論牛肉，湯頭同麵都做得好有古早味好地道果然係轉校生湯頭： 食得出既濃郁！肯定每日新鮮整，用左好多牛肉牛骨先整到出黎！啖啖濃郁牛肉味連帶微微既辣味，食完唔會口渴，可見係冇用味精，真係極品！麵：麵係最不得不讚既地方！條條都Q彈，用既係扁闊關廟麵！好正宗！而且好吸味，條條都
時至今日，有賴生既出現，陪伴左屈小姐以後既(美食)人生，而屈小姐又知道賴生其實都鍾意食台灣野，所以佢諗起《程班長》呢位轉校生！屈小姐research 完發現《程班長》剩番一間，而且大受歡迎！所以佢就膽粗粗帶埋賴生黎試啦！
一黎到，入面已經好多人，但我地真係好好彩，居然唔駛等位（但我地食完發現外面好多人等緊位），我地就急不及待坐低研究下叫咩食啦！
雖然呢，呢度環境嘈D逼D，又要同人搭枱，但呢度既各位人員都招呼好好嫁！
我地2小口夾埋叫左5樣野，賴生(同屈小姐)實在太大食啦
先黎一碗招牌貨：
紅燒半筋半肉麵
$52
96 瀏覽
2 讚好
0 留言
食牛肉麵最緊要正宗！《程班長》你一定冇揀錯！事關呢度無論牛肉，湯頭同麵都做得好有古早味好地道果然係轉校生
湯頭： 食得出既濃郁！肯定每日新鮮整，用左好多牛肉牛骨先整到出黎！啖啖濃郁牛肉味連帶微微既辣味，食完唔會口渴，可見係冇用味精，真係極品！
麵：麵係最不得不讚既地方！條條都Q彈，用既係扁闊關廟麵！好正宗！而且好吸味，條條都吸滿牛肉味！正
牛肉/筋：牛肉味出，肉淋，牛筋淋滑！高手
整體黎講，呢碗麵堪稱係香港(暫時我地食過)最好食既台灣牛肉麵
再黎一碗賴生至愛：
滷肉飯
$28
77 瀏覽
0 讚好
0 留言
老實講呢碗滷肉飯都唔錯既！滷肉瘦得黎入味帶甜，又有油香，拌飯一流！可惜味道仍係未夠濃烈，冇讓賴生想追加既魔力！如果飯換上珍珠米會更正！
跟住再黎：
芝士粟米蛋餅
$35
101 瀏覽
0 讚好
0 留言
呢位朋友呢就⋯睇得唔打得，睇圖你會覺得好好食，芝士又流心，餅皮又酥脆，又塞滿粟米！但係呢⋯⋯得個樣嫁咋！食落去唯一一樣就係個餅有小小酥脆感，芝士味，粟米味，蛋味都唔夠出，只係食到芝士既味道，蛋同粟米係0存在感，之但係⋯芝士味都唔夠濃又唔夠流心/熱⋯)⋯⋯！
下一位同學就係 ：
蔥抓餅
$20
77 瀏覽
1 讚好
0 留言
呢位同學望落就樣衰衰，冇乜料好平淡咁，但佢係出奇地正宗！出奇地好食既呢 ！餅皮食落比蛋餅更酥更更更脆，班長佢整餅既功力好高深呀！最醒既係咩呢？班長落左少少椒鹽，釣起晒個味！正爆！
最後一位係：
蚵仔煎
$35
70 瀏覽
0 讚好
0 留言
蚵仔係屈小姐同賴生都好鍾意既食物！所以蚵仔煎係必點既呢！呢度個蚵仔煎都好足料，用左生菜底，所以食落都好有口感同唔會咁漏！面頭既醬夠濃郁，甜得黎帶少少辣！蚵仔又勁肥！中間又煙Un! 仲加上有啲蛋味！ 唔錯唔錯，不過再多D蚵仔呢⋯⋯我就比埋果半星你啦
總結：
呢度真係好有台灣風味！你見到每位客人上黎都係為左美食！同台灣人超似！加上每位工作人員用心招待，雖然座位逼要搭枱，但你總會感受到大家食到美食既快樂！ 所以We will be back! 《程班長》你要努力繼續照顧好其他同學，我地隨時會黎探你嫁！
#跟住隊長搵食實冇錯
#台灣既味道
#與妳食好西既快樂
#多謝妳照顧我既胃口
#大食既賴生&屈小姐
#冇得食甜品既賴生
#四圍搵食
張貼
