一茗堂 (南山商場) (已結業)

舊時讀城大都好鍾意黎南山村食飯，係一個滿滿回憶既地方。今次再黎返南山村，估唔到有西餐，再唔係只係得茶餐廳。餐牌都好多選擇，最後想挑戰下屋村餐廳鋸扒。其實最主要原因係因為價錢唔貴，$118 有9oz鈕西蘭肉眼扒。先黎係番茄湯配香草包好濃厚既番茄味，唔係平時d普通西湯，再浸個香草包落去好夾。主菜一黎到好香，肉汁幾多整得啱啱好，同佢係用菇黎墊係肉底，d菇吸晒d肉汁真係堅好食。$118 CP值真係幾高。飲品我就用半價加左個焦糖脆脆鮮奶咖啡。咖啡同脆脆都好味，問個樓面，佢話d脆脆係佢地自己整。加分整體黎講食物好好，睇到佢地係d細節位有花心機。無因為價錢平就求求其其。