影片
更多
2016-12-20
3004 瀏覽
同女朋友行過旺角，女朋友話想食肉肉，本來諗住打邊爐，但我想食熱氣的，就去左隔離既宮崎一開始都好地地，唔洗排隊唔洗咩，７點半入座兩百幾蚊加一差唔多三百蚊一位，旺角食放題呢個價唔算過分入到去，環境唔差，兩個人可以坐到４人枱，見到冇甜品櫃，雪糕櫃得雀雀雪糕，野飲方面就啤酒汽水之類，開始有Ｄ失望到叫野食喇，肉既選擇都算合理，但係壽司刺身既選擇比較少，咁好啦，主題係燒肉，理解既落左單１５分鐘先黎第一碟，同之前某食評講既一樣，依家睇番嗰個食評，心諗：唔通係規舉黎？豬肉方面幾好，但牛肉呢。。。就。。。點解Ｄ牛肉冇味既？點解Ｄ咩一口牛，咬落去啖啖水既？真係好juicy呀！定要講wet？反正一咬落去，就係一塊好多水又冇味既肉，每種牛肉都係咁，除左佢地話２人同行送既辣牛肉真係薄薄地有味道，其他都係垃圾！1st round既刺身都唔錯，三文魚同油甘魚都幾爽口9點鐘last order時叫左2nd round刺身連壽司，真係想爆粗，家陣我係咪食緊明將？明將都冇咁過分囉！辣味螺肉用塊紫菜包住，但點解咁淋既？梅菜定紫菜？三文魚之前明明爽口，依家無論係壽司定刺身都係干身好難入口Ｄ飯好散，好容易突然＂腰斬＂，唔知咁樣
一開始都好地地，唔洗排隊唔洗咩，７點半入座兩百幾蚊加一差唔多三百蚊一位，旺角食放題呢個價唔算過分
入到去，環境唔差，兩個人可以坐到４人枱，見到冇甜品櫃，雪糕櫃得雀雀雪糕，野飲方面就啤酒汽水之類，開始有Ｄ失望
到叫野食喇，肉既選擇都算合理，但係壽司刺身既選擇比較少，咁好啦，主題係燒肉，理解既
落左單１５分鐘先黎第一碟，同之前某食評講既一樣，依家睇番嗰個食評，心諗：唔通係規舉黎？
豬肉方面幾好，但牛肉呢。。。就。。。點解Ｄ牛肉冇味既？
點解Ｄ咩一口牛，咬落去啖啖水既？真係好juicy呀！定要講wet？
反正一咬落去，就係一塊好多水又冇味既肉，每種牛肉都係咁，除左佢地話２人同行送既辣牛肉真係薄薄地有味道，其他都係垃圾！
1st round既刺身都唔錯，三文魚同油甘魚都幾爽口
9點鐘last order時叫左2nd round刺身連壽司，真係想爆粗，家陣我係咪食緊明將？明將都冇咁過分囉！
辣味螺肉用塊紫菜包住，但點解咁淋既？梅菜定紫菜？
三文魚之前明明爽口，依家無論係壽司定刺身都係干身好難入口
Ｄ飯好散，好容易突然＂腰斬＂，唔知咁樣代表Ｄ飯好唔好，但係我同我女朋友就唔係好慣喇。
最後先發現，呢度有難得一見既道地翡翠檸檬綠茶，拎左一鑵黎隊Ｄ壽司，簡直係係地獄見到天使一樣。
真心好飲，而且事後上網ｓｅａｒｃｈ先發現，道地係冇零售呢個口味嫁！應該只有係食店先會搵到。
總結：唔抵食，豬肉唔錯，牛肉垃圾，壽司刺身水平差異好大，唔好有期望，如果真係要黎記得拎翡翠檸檬綠茶
張貼