咖啡會館 (已結業)

閒日上coffee assembly， 剛剛有一班人走咗，即刻靜哂，成間嘢比我一個人霸哂。上嚟呢度嘅主要原因係要做嘢，所以當話事人問我飲乜嗰陣，我真係老實不客氣同佢講，我要咖啡因，要濃啲，但唔要苦，唔要有燒焦味... 佢向我推介咗Syrup coffee，我唸咗好耐，終於揀咗Hazelnut。佢同我講，銅鑼灣總店Corridor有更加多syrup，真厲害！夏日炎炎，我杯涷cappocinno嚟到，啲泡成寸厚，正！佢幫我揀咗最濃嘅「火」系咖啡(唔記得咗啲咖啡豆本身叫乜名...)，味道非常濃郁，由於有Syrup同埋全脂奶，濃得嚟一啲都無苦同焦味。由於好好飲，好快已經比我飲咗半杯...餘下半杯飲幾個鐘?唔知點解，本來都唔肚餓，但飲咗咖啡就即餓。我知道呢度係有乜材料就整乜嘅，令我好好奇今次廚房有啲乜！話事人一五一十咁數比我知佢有乜材料、整到啲乜，感覺好似喺屋企搵緊有乜嘢食咁，好親切。終於我揀咗蕃茄、牛油果toast，佢整咗兩大塊比我！雖然比想像中多，但唔緊要，我一向多多益善，份量多啲，食得滿足啲！呢個toast好homemade，香草醬加蕃茄、牛油果清新，加上烘過的芝士就夠野味。食飽飽之後我