影片
更多
2007-12-09
23 瀏覽
從未食過如此難頂既大排檔!今晚同女朋友去中環, 諗住食大排檔, 其實一開始已經係有目標係去x記個檔, 但個檔實在太多人, 吉位d衞生情況又唔好, 但又想食大排檔, 於是就等左一陣, 就算啦, 費時再磨, 就黎隔離呢檔試下啦, 橫掂有位, 又好肚餓, 好啦, 惡夢開始啦......1. 一開波揀左張枱坐, 冇人招呼, 跟手等左一陣, 轉左第二張枱坐, 又係一樣冇人招呼, 係要叫幾次先至有人話叫你再等等, 叫佢開茶, 又係十問九唔應.....叫左枝生力, 又係遲一遲都唔到........2. 好啦, 算! 呢d都唔理, 叫d餸醫下肚先, 叫左蠔仔湯飯, 紅油抄手, 小辣香炒羊肉, 白烚芥蘭, 跟手諗住可能唔夠, 想叫多個煲, 但女朋友話唔好住, 好彩佢叫住, 如果唔係又蝕多幾草野! 等我每樣講下:蠔仔湯飯:呢個我冇食, 係我女朋友食啫, 但試左一兩口; 味道方面, d蠔仔冇乜腥味, d湯胡椒太多, d冬菜好有味(即係太咸); 賣相方面, 一睇都打左個突, 點解碗飯咁多泡架? 紅油抄手:紅油抄手? 咪玩啦, 淨係淥幾粒雲吞加幾滴辣油就當係? 叫紅油雲吞算啦, 正宗川菜風格既咸, 麻, 鮮味完
今晚同女朋友去中環, 諗住食大排檔, 其實一開始已經係有目標係去x記個檔, 但個檔實在太多人, 吉位d衞生情況又唔好, 但又想食大排檔, 於是就等左一陣, 就算啦, 費時再磨, 就黎隔離呢檔試下啦, 橫掂有位, 又好肚餓, 好啦, 惡夢開始啦......
1. 一開波揀左張枱坐, 冇人招呼, 跟手等左一陣, 轉左第二張枱坐, 又係一樣冇人招呼, 係要叫幾次先至有人話叫你再等等, 叫佢開茶, 又係十問九唔應.....叫左枝生力, 又係遲一遲都唔到........
2. 好啦, 算! 呢d都唔理, 叫d餸醫下肚先, 叫左蠔仔湯飯, 紅油抄手, 小辣香炒羊肉, 白烚芥蘭, 跟手諗住可能唔夠, 想叫多個煲, 但女朋友話唔好住, 好彩佢叫住, 如果唔係又蝕多幾草野!
等我每樣講下:
蠔仔湯飯:呢個我冇食, 係我女朋友食啫, 但試左一兩口; 味道方面, d蠔仔冇乜腥味, d湯胡椒太多, d冬菜好有味(即係太咸); 賣相方面, 一睇都打左個突, 點解碗飯咁多泡架?
紅油抄手:紅油抄手? 咪玩啦, 淨係淥幾粒雲吞加幾滴辣油就當係? 叫紅油雲吞算啦, 正宗川菜風格既咸, 麻, 鮮味完全欠奉, 其他個d抄手係好注重個饀架嘛, 天后有間出名食清湯腩既鋪頭, 佢地d抄手就真係ok啦,呢檔?!.....唉.....
小辣香炒羊肉: 唔係掛?! 洋蔥椰菜炒肉片?! 我都識炒啦, 至於d羊肉既口感....一d冇乜! 有d懷疑係咪真係羊肉......仲有係一d辣味都冇.....成碟野水汪汪, 一d火候都冇.......其實都有少少想問下佢呢兜野係乜, 但呢個時候都食到冇癮, 都只係想快快食完埋單走頭就算.....
白烚芥蘭:呢兜野係全部野之中比較之中最好食既......早知淨係食呢個就算.......
生力: 枝生力? 唔好問啦, 叫左兩次, 黎都冇黎過, 佢唔落單仲好, 慳返十幾蚊!!
咖哩牛腩煲:呢兜野? 想點但最後都冇點, 好彩女朋友一開波就禁住我叫我唔使點住, 話驚食唔晒, 其實唔叫仲好, 我點知佢會唔會俾兜走晒樣既咖哩我架? 慳返幾十蚊!!
3. 服務, 好心佢地如果係唔夠人就請下人啦, 基本上乜野都係要靠自己, 就連最簡單要杯茶都.....唉.....
總言之, 我未食過一檔咁難頂既大排檔, 相信以後我都唔會再去!
唯一可以比較讚下既, 係比x記光猛少少咁囉!
張貼