影片
更多
2017-10-14
1190 瀏覽
今晚忙完個 project 睇睇個鐘已經係零晨一點十五分，忙完就覺得超肚餓，諗緊咁夜荃灣區有乜嘢食，就諗起荃灣眾安街55號大鴻輝(荃灣中心)地庫嘅一品雞煲，因為實在太夜都係先打個電話去問下收幾點。問咗收3點、2點last order。0k嚟過快食都趕得切，總好過食茶記，飛車落到去1:40，店員見倒我地面色已經有點為難，話2點last order 禾，但都阻止唔倒班餓鬼，心諗自己都係D好識做嘅人快食快閃啦。坐底後馬上點菜，我地一行三人嚟得呢度緊係走唔甩個招牌一品煲啦，另外叫咗四寶丸，芋絲，娃娃菜，3杯大0茶，一分鐘唔駛已經點晒菜等食，非常合作。好快未夠2點雞煲已經滾緊中及火煱料已經到齊。先講食物質素先，雞煲雞好嫩滑麻中帶辣真係惹味，略嫌濃味同咸咗啲，咸到個咀有少少甩皮，但都係好味嘅，另外四寶丸四款都各有各好味，芋絲都好爽加埋D汁好味，食物除了雞煲咸咗D之外，整體都係滿意嘅。但講到服務就⋯⋯倒扣5分如果我係佢地老闆我會好擔心！大家有食過呢間雞煲都知道先食完晒D雞，然後先放湯再火煱，我地雞煲食到一半已經有個只能操流利國語嘅大媽話幫我地撈起晒D雞食呢間雞煲其他分店咁耐我都未試過要撈起晒D雞咁急
問咗收3點、2點last order。0k嚟過快食都趕得切，總好過食茶記，飛車落到去1:40，店員見倒我地面色已經有點為難，話2點last order 禾，但都阻止唔倒班餓鬼，心諗自己都係D好識做嘅人快食快閃啦。
坐底後馬上點菜，我地一行三人嚟得呢度緊係走唔甩個招牌一品煲啦，另外叫咗四寶丸，芋絲，娃娃菜，3杯大0茶，一分鐘唔駛已經點晒菜等食，非常合作。
好快未夠2點雞煲已經滾緊中及火煱料已經到齊。
先講食物質素先，雞煲雞好嫩滑麻中帶辣真係惹味，略嫌濃味同咸咗啲，咸到個咀有少少甩皮，但都係好味嘅，另外四寶丸四款都各有各好味，芋絲都好爽加埋D汁好味，食物除了雞煲咸咗D之外，整體都係滿意嘅。
但講到服務就⋯⋯倒扣5分如果我係佢地老闆我會好擔心！大家有食過呢間雞煲都知道先食完晒D雞，然後先放湯再火煱，我地雞煲食到一半已經有個只能操流利國語嘅大媽話幫我地撈起晒D雞食呢間雞煲其他分店咁耐我都未試過要撈起晒D雞咁急咯，心諗妳駛唔駛咁趕呀二話不說已經一人一壳雞放入我地碗內，動作非常粗魯，碗都已經滿晒⋯⋯都仲要嚟！結果雞咪滿倒跌落我件衫同褲度囉
鬧你又唔係喂⋯⋯你趕收工都唔駛咁㗎！講咗聲對不起就馬上放湯，務求將所有火鍋料一次過放晒落啲湯度，咁樣俾人追迫食咗都背脊骨落啦⋯⋯真係係D大媽先至做得出，睇睇隻錶、小喇叭2點半啫，其實由雞煲開始熟都係2點左右，食咗半個鐘啫，總之3點前走唔好阻人收工就得啦！
話口未完有個同黨、呢個識講廣東話行埋嚟⋯⋯佢真係好老實⋯你地食快D啦我地收工喇⋯我真係從未試過一間食市可以同客人咁真情流露，話口未完成個場靜晒⋯⋯冷氣都熄埋，再熄淨我地張枱D燈，wow⋯大佬打煱呀⋯⋯你同我關冷氣熄燈，不如你再直接D俾幾個外賣盒我打包好過啦⋯⋯食完望下隻錶都係2:40分啫！
你地收3點家嘛⋯⋯其實咁多位大媽不如下次有人打電話嚟或者walk-in 嚟，你直接同佢講我收工咪仲好。您地咁嘅服務態度真係俾人講九年，俾著第二個真係反枱，面對呢D新移民大媽，大家文化背景唔同，唉⋯⋯無語。只可以講冇下次。
張貼
