西貢金雞海南雞

營業中

休息中

星期六晚9點幾去九龍城諗住食啲簡單嘢，點知間間舖頭都排滿人等位，見呢間小店仍有位都估到應該麻麻哋，不過算啦，趕住食完返屋企。入去點咗一個麻辣海南雞飯同泰式鳳爪，海南雞飯先上，D雞還接受到，但啲黃飯就半生熟又硬，等咗好耐先等到泰式鳳爪，見到個樣已經超級超級失望，成世人都未食過泰式鳳爪只有蕃茄同鳳爪仲有幾粒冰，啲鳳爪應該係用滾水解凍，之後直接放冰，好嘔心，冇洋蔥、冇青檸、冇唐芹、冇辣椒，冇酸甜雞醬，乜都冇咁就叫做泰式鳳爪！咁就想收客$48？你不如早啲同我講話冇料做唔到，叫我取消好過啦，最後真係忍唔住爆咗佢一鑊！已經冇抱乜嘢希望去食呢餐，但真係估唔到會食到一碟垃圾！走咗之後先至醒起應該留張相俾大家開下眼界！