明順海鮮菜館 (已搬遷) 新店位置

明順在麗閣冬菇亭年代我是常去吃飯的，都已經三十年了，搬入現在商場都二十多年，二十多年沒去我今天來看見從前招呼我們的哥們真是百般親切。懷舊完講番食物出品，先來小食~鹽水沙薑雞腳，夠味夠冧正，鹽水沙薑雞腎連中間硬皮位都夠冧，真係無卵得頂，味道個人感覺咸左D淡小小更好。炸乳鴿好味不過我更欣賞D蝦片夠脆，古法焗魚腸，油浸荀壳皮脆肉滑，菜胆雞1只D雞滑滑好得，陳醋一字骨酸酸甜甜正，腐乳通菜正常，突然記起從前有個鍋貼小唐菜立即點啦，點知冇墨魚膠大哥就問我用蝦膠如何?我當然冇問題啦煮出來更鮮味。7個人食到成檯餸超滿足。