GUM "JENG!" X 御前上茶 (已結業)

抹茶控總會積極去發掘同嘗試唔同既抹茶甜品，今次嘗試既係已經開左一排既御前上茶~~因為係平日下晝，所以唔使等位已經可以入座，環境幾寬敞，又無限制用餐時間，都適合約朋友食個tea傾下計本身以為只有主打抹茶甜品，但原來仲有茶漬飯可以揀~~茶漬飯冇咩興趣，甜品先係我既目標，揀左一輪，本來想試抹茶銅鑼燒，但唔好彩賣晒試唔到~~最後揀左御前雙色盛合，抹茶焙茶軟雪糕配紅豆白玉，呢個組合冇得輸~~雪糕茶味都夠香濃，粒粒紅豆少少甜，白玉夠煙韌~仲有抹茶凍，本身唔甜，加一啖雪糕一齊食，食落冰冰涼涼，好正~~下次有機會，想再試埋銅鑼燒~~~