柏 (已結業)

尖沙咀呢間柏之前好多人去食佢地既 Omakase，今次我地去到發現佢地最近有個御膳二人前 $980 有新野就試下啦📍精選沙律係胡麻醬豆腐沙律，最正係上面鋪滿蟹肉，蟹肉仲要勁鮮甜📍刺身3點分別係巨人八爪魚，油甘魚同深海池魚，三樣都新鮮，我最鐘意巨人八爪魚因為口感好爽彈，深海池魚魚味都好濃📍大船渡岩蠔店家超好，食到中途仲請我地咗隻時令岩蠔，睇個樣就知超飽滿厚肉，入口有淡淡海水味📍串燒五點雞翼、牛舌、雞腎、雞腿肉同蘆筍~ 推薦雞翼，外皮超脆調吁剛好好惹味而且肉質仲好嫩📍季節料理個牛油雜菌炒帶子超香，一共有4大粒帶子粒粒鮮甜味美，入口仲有陣陣牛油香📍壽司8貫帆立貝，深海池魚、魴鮄、三文魚；赤貝、金目鯛、伊佐木同大拖羅。大拖羅入口無根，帆立貝爽彈鮮甜，金目鯛肉質細嫩📍鯛魚湯魚湯睇個色就知幾足料，一入口果然鮮甜美味📍豆腐雪糕豆腐雪糕係不敗既味~