影片
更多
2019-07-18
322 瀏覽
唔聽呀！唔睇Facebook呀！唔好同我劇透呀！就係咁，終於嚟到我哋睇《復仇者聯盟4：終局之戰》嘅大日子！要數我A姐最鍾意嘅就一定係雷神啦！佢真係好charm，仲要成身肌肉，真係好鬼正啊！仲有顏值爆標又爆肌嘅美國隊長......睇完戲出到嚟，M佬見到我超興奮（佢完全係滴汗mode），問我有無留意到有個超級英雄喺我附近，原來佢指住對面嘅火鍋英雄。係喎，我哋仲未食飯架喎，即刻同呢位火鍋英雄交吓手先得！英雄八盞叫完嘢食後，店員就送上八款前菜，分別係海帶、青瓜、花生、大荳芽、四季豆、木耳、豬耳片同蓮藕，有辣有唔辣，為之後嘅麻辣火鍋做好準備。重慶麻辣拼養生野山菌湯湯底選擇好多，而我哋每次食麻辣湯就最鍾意配上養生野山菌湯，呢個雖然係極端嘅組合，但始終有啲食材係唔適合配辣，所以呢個組合真係好夾！美國雪花肥牛必點推介！美國雪花肥牛唔好太熟，咁就食到佢超鮮嫩嘅肉質，油脂分佈平均，牛味香濃。招牌四寶丸自家手打嘅四寶丸有牛丸、蝦丸、墨魚丸同鯪魚球。粒粒都夠新鮮彈牙。鮮黑毛肚同樣係輕輕一焯，塊黑毛肚一收水就食得，鮮爽好味。豬爽喉食川鍋常見嘅豬爽喉，超級爽脆，記住黃金30秒呀！韭菜水餃韭菜超多，入面仲有好多肉汁
英雄八盞
叫完嘢食後，店員就送上八款前菜，分別係海帶、青瓜、花生、大荳芽、四季豆、木耳、豬耳片同蓮藕，有辣有唔辣，為之後嘅麻辣火鍋做好準備。
重慶麻辣拼養生野山菌湯
湯底選擇好多，而我哋每次食麻辣湯就最鍾意配上養生野山菌湯，呢個雖然係極端嘅組合，但始終有啲食材係唔適合配辣，所以呢個組合真係好夾！
美國雪花肥牛
必點推介！美國雪花肥牛唔好太熟，咁就食到佢超鮮嫩嘅肉質，油脂分佈平均，牛味香濃。
招牌四寶丸
自家手打嘅四寶丸有牛丸、蝦丸、墨魚丸同鯪魚球。粒粒都夠新鮮彈牙。
鮮黑毛肚
同樣係輕輕一焯，塊黑毛肚一收水就食得，鮮爽好味。
豬爽喉
食川鍋常見嘅豬爽喉，超級爽脆，記住黃金30秒呀！
韭菜水餃
韭菜超多，入面仲有好多肉汁，鍾意食韭菜嘅真係不能錯過！
鴨血
食麻辣火鍋又點少得鴨血呢？鴨血細嫩爽滑，正！
雜菌拼盤
個養生野山菌湯食到咁上下，再加入雜菌拼盤，令湯底嘅菇味越嚟越濃郁。
窩筍片
食麻辣鍋同樣唔少得萵筍片，煮到佢林晒，吸晒啲麻辣味，真係好過癮！
張貼
