影片
更多
2023-10-18
664 瀏覽
秋涼時候最好就係打邊爐，今日早收工約左同事去左打邊爐，同事一早做好哂research搵到依間豪裝打卡一流嘅火鍋店，去到餐廳門口已經感受到豪華嘅氛圍餐廳裝修都以木色為主，復古味十足，座位之間亦相當寬闊，空間感非常高叫完野食後，自行出去火鍋醬料區拎醬料，淨係醬料都有十幾款選擇先上左個美顏花膠雞鍋，湯鍋中有蟲草花、冬菇、紅棗，滋補養顏，而主角之一嘅花膠都有好多片，食落好滑溜又帶點爽口，主角農場鮮雞半隻都唔惹少，份量十足，未開始打邊爐前飲返啖原汁原味嘅雞湯，已經非常濃郁帶甜，湯底一直煲煮，雞湯味道愈來愈濃，超正！一帆風順賣相氣場十足，真係好似一隻隻帆船，整得好似，其實係秋葵蟹籽墨魚滑，估唔到秋葵嘅滑溜感同彈牙嘅墨魚滑又幾夾，各自保留原有味道，食落有種健康嘅味道七彩餃子 有齊七種不同顏色不同味道嘅餃子，灰色係和口香茜餃，食落有啲似牛肉球咁，橙色係冬菇薺菜餃，白色係蟲草花餃，黑色係蟹肉黑松露餃，入口好濃烈嘅黑松露香，整體餃子味道都唔錯，餃子皮都算幾滑，厚薄中規中矩，我個人更喜歡薄皮，如果係薄皮就更好了天倫鍋心一共有七款外觀精美嘅點心，分別有兔仔、錦鯉、橘子、燒賣、小龍包同蝦餃造型，內饀分別包左蝦肉
餐廳裝修都以木色為主，復古味十足，座位之間亦相當寬闊，空間感非常高
叫完野食後，自行出去火鍋醬料區拎醬料，淨係醬料都有十幾款選擇
先上左個美顏花膠雞鍋，湯鍋中有蟲草花、冬菇、紅棗，滋補養顏，而主角之一嘅花膠都有好多片，食落好滑溜又帶點爽口，主角農場鮮雞半隻都唔惹少，份量十足，未開始打邊爐前飲返啖原汁原味嘅雞湯，已經非常濃郁帶甜，湯底一直煲煮，雞湯味道愈來愈濃，超正！
一帆風順
賣相氣場十足，真係好似一隻隻帆船，整得好似，其實係秋葵蟹籽墨魚滑，估唔到秋葵嘅滑溜感同彈牙嘅墨魚滑又幾夾，各自保留原有味道，食落有種健康嘅味道
七彩餃子
有齊七種不同顏色不同味道嘅餃子，灰色係和口香茜餃，食落有啲似牛肉球咁，橙色係冬菇薺菜餃，白色係蟲草花餃，黑色係蟹肉黑松露餃，入口好濃烈嘅黑松露香，整體餃子味道都唔錯，餃子皮都算幾滑，厚薄中規中矩，我個人更喜歡薄皮，如果係薄皮就更好了
天倫鍋心
一共有七款外觀精美嘅點心，分別有兔仔、錦鯉、橘子、燒賣、小龍包同蝦餃造型，內饀分別包左蝦肉、菜肉等等
太極兩儀
擺盤都係以太極嘅標誌，一邊係红酒浸安格斯牛，另一邊係黑松露牛乳浸梅花豬肉片，安格斯牛肉切得厚薄適中，雪花脂肪紋分佈亦相當平均，灼一陣就食得，入口牛味好濃郁，口感軟熟，食到陣陣紅酒味道，點少少醬料食更惹味，豬肉片厚薄亦一樣適中，灼耐少少食都唔會靭，仲食到豬肉嘅甜味，口感實在帶爽
皮蛋蝦滑
平時食淨蝦滑就食得多，皮蛋蝦滑真係第一次食，自己整碎皮蛋同蝦滑溝埋一齊，灼煮後增加左個彈牙感，陣陣皮蛋香得黎又食到蝦滑鮮蝦味，雙重口感雙重味道享受
花花綠綠
雜錦蔬菜拼盤有油麥菜、南瓜、皇帝菜、娃娃菜、西洋菜、生菜、白菜仔、蕃茄仔同椰菜花，份量十足，全部菜都好新鮮之餘，仲洗得好乾淨
最後叫左兩杯飲品，分別係琥珀誘惑同花月豪庭，玫瑰花型冰球係番石榴汁製成，相當吸睛，再倒入新鮮奇異果汁、橙汁同菠蘿汁，味道好清新
後者有哈密瓜、奇異果同棉花糖蛋卷擺盆，底層係藍莓、蘋果配北海道牛奶混合嘅奶昔，兩杯解渴得黎又幾得意
張貼
