影片
更多
2019-04-13
2891 瀏覽
從HKU地鐵站B2出口出嚟，直行轉左再轉左就到呢間咁特別嘅談風：vs：再說。話佢特別，唔止係因為食物特別，餐廳裝修、風格都十分別樹一格。一行入去係一層擺咗好多商品嘅位置，行落一層先到餐廳。走復古路線，周圍都有啲好大隻嘅中文字，雖然唔知咩意思🤭有舞台setting，因為餐廳不定時會請啲歌手嚟唱下歌，有興趣嘅可以去佢哋ig睇更多～依啲種種都比人感受到餐廳非常用心：）嘢食都十分特別，而且每上一道菜侍應都會介紹下，等你真係知道自己食緊乜嘢，very impressive 👍🏽Bread一開始上個免費嘅麵包先，呢個係餐廳自家製嘅包，上面鋪咗燕麥片，側邊配嘅係蜂蜜牛油。個包好硬lol，但味道好好，配上甜甜地嘅牛油係一種新試嘅配搭，不錯👍🏽燒南瓜 Roast Pumpkin （$122）- quinoa, chestnut, green apple wakame chips南瓜係用日本南瓜，好甜，整得好淋👍🏽藜麥入面混入栗子，增加口感。脆片係用昆布同青蘋果打碎再風乾，酸酸地好開胃～分量好大，雖然係前菜，但一啲鍾意食沙律當正餐嘅人士都可以當呢個係主菜，好有飽足感。自製甘筍短意粉 Homemade Gn
從HKU地鐵站B2出口出嚟，直行轉左再轉左就到呢間咁特別嘅談風：vs：再說。話佢特別，唔止係因為食物特別，餐廳裝修、風格都十分別樹一格。
一行入去係一層擺咗好多商品嘅位置，行落一層先到餐廳。
走復古路線，周圍都有啲好大隻嘅中文字，雖然唔知咩意思🤭有舞台setting，因為餐廳不定時會請啲歌手嚟唱下歌，有興趣嘅可以去佢哋ig睇更多～
依啲種種都比人感受到餐廳非常用心：）
嘢食都十分特別，而且每上一道菜侍應都會介紹下，等你真係知道自己食緊乜嘢，very impressive 👍🏽
Bread一開始上個免費嘅麵包先，呢個係餐廳自家製嘅包，上面鋪咗燕麥片，側邊配嘅係蜂蜜牛油。
個包好硬lol，但味道好好，配上甜甜地嘅牛油係一種新試嘅配搭，不錯👍🏽
燒南瓜 Roast Pumpkin （$122）- quinoa, chestnut, green apple wakame chips
南瓜係用日本南瓜，好甜，整得好淋👍🏽
藜麥入面混入栗子，增加口感。
脆片係用昆布同青蘋果打碎再風乾，酸酸地好開胃～
分量好大，雖然係前菜，但一啲鍾意食沙律當正餐嘅人士都可以當呢個係主菜，好有飽足感。
自製甘筍短意粉
$138
36 瀏覽
0 讚好
0 留言
自製甘筍短意粉 Homemade Gnocchetti （$138）- cumin corn, onsen egg, edamame, carrot butter sauce
配搭好新鮮，自製嘅意粉，配上孜然粟米、溫泉蛋、枝豆，口感好豐富！
好鍾意呢個！
牙買加辣雞翼
$78
45 瀏覽
0 讚好
0 留言
呢個都好鍾意！！
雞翼用黑白胡椒同香茅醃咗兩至三日，非常入味。
味道偏辣，我同朋友唔係好食得辣，但都覺得好爽，食完一舊又一舊。
側邊配咗薄荷西瓜沙律，辣得制可以食舊甜甜地嘅西瓜解解辣！
又係十分新鮮同特別嘅配搭！👍🏽
白兔糖奶凍
$84
47 瀏覽
0 讚好
0 留言
- homemade strawberry sorbet, butterfly pea
見好多人食呢個，我哋都叫咗嚟試下，的確冇令我哋失望！
奶凍質地幾滑，帶點白兔糖味。
配上自家製嘅士多啤梨雪葩同蝶豆花啫喱，好match嘅配搭，外觀上都好靚😆
從裝修、擺設、營運手法、食物選材、烹調方法、員工態度等等任何角度都見到餐廳嘅用心，好抵讚。
同埋價錢睇落唔算平，但睇返餐廳擺咗落去嘅心機就會知道絕對抵。
值得更多人認識👍🏽
menu：
張貼
