澳瑪葡國菜 (已結業)

上次同朋友黎試過alma覺得係唔錯既選擇，今日就同屋企人黎試下葡國菜。一叫完野食就上麵包，麵包仲保持剛剛出爐既溫度，而且口感非常鬆軟，我都忍唔住點曬成盒牛油呀！首先頭盤叫左個葡式肉腸煎蛋，食既時候將簡單同肉碎攪匀，食落去扳手既煎蛋加上烤至香脆既肉碎，口感層次豐富之餘亦非常香口，直頭一個人可以食得曬成個呀！之後再叫左個炸馬介休薯球，上次試過覺得非常特別所以今次一定要再叫比屋企人試下。外面既脆漿非常薄，一咬落去表皮微脆，而裏面既馬介休拌薯蓉餡料質地非常厚身，非常足料，感覺好似食緊分量好多而比壓縮既炸薯球，非常推介比大家 我地仲叫左呢款非常特別既烤豬耳沙律，唔好以爲沙律係前菜所以分量會好少，呢款豬耳沙律分量多到驚人，出左豬耳亦伴以腌好既洋葱。食落去酸酸地有一股醋味，但唔會太濃烈刺鼻，而且豬耳煮到非常淋，不住不覺就會食曬成碗呀！main course 就叫左個葡式海鮮焗飯仲跟個薯條。一上菜已經覺得賣相非常吸引，上面既大蝦同青口非常新鮮，而且下面既飯煮到非常粘稠，好重番茄味，不過食得太多的話有d膩，一齊share就剛剛好啦~而佢個薯條亦都好好味，新鮮炸起仲熱辣辣，正 食葡國菜最後就梗係唔少