石澗日本料理 (已結業)

一大班friend聚會，因爲遲遲都無人book位，o係周圍都訂唔到檯o既情況下唯一得石澗有位，所以就試左一次。我地order左一大碟刺身，點知每一件刺身都係大概一張sim card o甘大！ 什麽珍寶帆立貝都係得一張sim card o甘大！！！ 個師傅好似唔明白點解平時一件刺身係大塊d，請問o甘細塊點食得出咩味呀?? o甘樣做其實某程度上係浪費緊d食才，食客根本食唔到刺身應有o既鮮味，口感，etc。壽司種類少，但起碼d魚無被切到一粒粒，終于食到本身o既味道，但發覺無鮮味，飯亦握得唔好。炸物都麻麻，有人話炸蝦又唔熱，唔係好得，所以大家都無再叫。芝士年糕ok，炸帶子炸到乾曬，炸南瓜，番薯叫左兩次都無黎過。蒸蛋好怪，烏冬湯底好咸，燒帶子un... 連茶都淡過人！唉，無邊好！