Tartes & Pop

營業中

休息中

睇過好多介紹，略知甜品店由法藉廚師主理。小店鋪面好細，但其實裡要有個大餅房，做外賣生意，就冇特別安排堂食位置，裝潢較普通。見到啲撻嘅真心都有少少驚訝，當然賣相係幾靚，但實物比想像中細點，有多款口味，榛子、伯爵茶、抹茶、布丁撻等，都係$45/件黑芝麻抹茶撻 $45揀左比較吸睛、兼幾多人介紹嘅撻，冇留意過原來裡面係芝麻，咬落先知。撻面有件四四方方嘅抹茶慕絲、細細塊朱古力配襯，灑上抹茶粉，撻皮係招牌朱古力味，內餡先係黑芝麻慕絲及蛋糕，層次豐富。單食抹茶慕絲味道明顯，沒有甘苦，質感軟滑濕潤。黑芝麻味濃郁，有點搶去抹茶風頭。蛋糕太薄，唔係好感覺到有存在。個人鐘意扎實硬脆嘅餅底，最欣賞就係朱古力撻皮，為整件撻作出平衡，不甜不膩。唔係唔好食，但以45蚊而言，size較小。