Sweets House Cha Cha

營業中

休息中

想試左哩個抺茶吉士大判燒超耐，食完lunch仲肚餓就買黎做飯後甜品。買果陣店員話個大判燒係熱既，但其實佢已經整好左放係到，係你買果陣加熱幾秒鐘，所以拎上手只係微熱。唔係即叫即整，加上得微熱，有啲失望，味道一定唔及即叫即整好食。大判燒表皮唔會好濕潤，不過亦未至於好乾，口感帶些少煙韌。表皮雖然係綠色，但完全冇抺茶味，亦冇蛋香。抺茶吉士餡好少，要咬到第二、三啖先食到。餡料既味道幾好，抺茶帶點回甘又唔會苦澀，甜度亦調得啱啱好，冇過甜。抺茶吉士餡既質地厚實有質感，唔係流質果種，食落有滿足感。不過吉士味就唔太出，比抺茶既回甘蓋過。唔知係咪期望過高，食落就大失所望。大判燒既抺茶吉士餡味道唔差，但份量偏少，唔似日本食果啲爆餡。表皮唔夠濕潤令大判燒失色。整體而言，不過不失，試一次就夠了。