影片
更多
2023-02-24
72 瀏覽
久聞微辣大牌檔，今日友人邀請一試，到底係商場入面都食到大牌檔係點呢？喺舖頭出面已經見到北角雞蛋仔，就算唔堂食都可以買到雞蛋仔。呢度裝修好有特色，連餐具都落足心思，好適合大家嚟打卡。今晚仲坐咗喺張麻雀枱上面，充滿情懷。我哋分別叫咗咪走雞(米酒雞)，懷舊蟹膏蝦多士，椒絲腐乳通菜同埋發記大香腸，將街頭小食同大牌檔風味融為一體。店員送上咪走雞嘅時候仲好貼心咁問下我哋需唔需要影相同拍片，用火再焗一焗隻雞，令到啲荷葉同酒氣更加香雞肉好嫩滑，根本可以唔使用較剪。另外釀喺雞肚入面嘅金針雲耳充滿咗雞肉嘅鮮味，正！蝦多士香脆可口，配上蟹膏蟹籽，鮮上加鮮，不過記得趁熱食，凍左會回油！最後淨係主菜都食到太飽，未有機會試到佢個雪糕雞蛋仔
喺舖頭出面已經見到北角雞蛋仔，就算唔堂食都可以買到雞蛋仔。
呢度裝修好有特色，連餐具都落足心思，好適合大家嚟打卡。今晚仲坐咗喺張麻雀枱上面，充滿情懷。
我哋分別叫咗咪走雞(米酒雞)，懷舊蟹膏蝦多士，椒絲腐乳通菜同埋發記大香腸，將街頭小食同大牌檔風味融為一體。
店員送上咪走雞嘅時候仲好貼心咁問下我哋需唔需要影相同拍片，用火再焗一焗隻雞，令到啲荷葉同酒氣更加香雞肉好嫩滑，根本可以唔使用較剪。另外釀喺雞肚入面嘅金針雲耳充滿咗雞肉嘅鮮味，正！
蝦多士香脆可口，配上蟹膏蟹籽，鮮上加鮮，不過記得趁熱食，凍左會回油！
最後淨係主菜都食到太飽，未有機會試到佢個雪糕雞蛋仔
張貼
